САД не сакаат да поддржат нова нацрт-резолуција на Обединетите нации која го поддржува територијалниот интегритет на Украина и ја осудува руската агресија, кажаа три дипломатски извори за „Ројтерс“. Со оваа резолуција треба да се одбележат три години од почетокот на руската инвазија врз Украина. Вашингтон значително го промени односот кон Украина по враќањето на Доналд Трамп во Белата куќа, а двајцата претседатели разменија остри зборови вчера, ...

Од Германија го земав најдоброто, но големо е задоволството да се работи со својот народ, рече денеска хирургот Златко Јаков кој после 11 години работа во Германија, се вратил во Прилепската болница, каде претходно работел 10 години. Министерот за здравство Арбен Таравари денеска во Прилепската болница промовираше два апарата вредни 731.448 евра (45 милиони денари): лапароскопски столб за уролошко одделение и aртроскопски столб за ортопедски ...

Оваа недела се регистрирани за 2.726 нови случаи на заболени од грип, што е за 5,3 проценти помалку во однос на претходната недела. Споредено со лани истиот период, бројот е зголемен за 97 проценти. Најголем број заболени има во Скопје, односно 616 лица. „Оваа сезона бројката е значително поголема со заболените од грип лани. Во сезоната 2024/2025 вкупниот број на заболени е 14.340, а минатата сезона имало 11.921 заболен“, рече директорката на ...

Премиерката Мете Фредериксен изјави дека Данска и другите држави згрешиле што го намалиле нивниот буџет за одбраната и додаде дека тоа веќе никогаш не смее да се случи. Таа објави дека Данска ќе вложи шест милијарди евра во одбраната, зголемувајќи го буџетот за оваа цел од 2,4% на 3% од бруто домашниот производ. „На Данска ѝ е потребно масовно вооружување за да избегне војна“, кажа Фредериксен. Данска се најде под голем притисок во изминатите ...

Првиот заменик-претседател на Владата и министер за животна средина и просторно планирање Изет Меџити вели дека во Владата нема разговори за промена на државниот грб и химната.Тој денеска одговарајќи на новинарско прашање рече дека во Владата нема табу теми, но во моментов се разговара за реализација на владината програма. „Разговори и преговори има за тоа што е во владината програма. Во фокус ни е владината програма, каде има утврдени столбови. ...

Алис Вајдел стана неочекувано заштитно лице на германската крајна десница, која го држи второто место во анкетите, на три дена пред предвремените избори во Германија. Вајдел (46) е лидерка на Алтернатива за Германија (АфД), националистичка, антиимигрантска партија која го дефинира семејството како татко и мајка кои одгледуваат деца. Па, сепак, оваа поранешна инвестициска банкарка има две деца со нејзината сопруга која потекнува од Шри Ланка, а ...

Израел ги предаде телата на израелското доенче Кфир Бибас и неговиот четиригодишен брат Ариел, двајцата најмлади заложници земени на 7 октомври 2023, кои станаа едни од најмоќните симболи на траумата доживеана тој ден. Возилата на Црвен крст ги презедоа четирите црни ковчези што припадници на Хамас ги положија на бина во градот Хан Јунис во Појасот Газа, а покрај браќата Бибас, беа предадени и телата на нивната мајка Шири и на уште еден починат ...

Деновиве за урива некогашната сендвичара „Кинг бургер“ на булеварот Климент Охридски во центарот на Скопје, а на нејзино место ќе се гради зграда на седум ката. Градилиштето е веќе оградено и поставена е табла на која стојат податоци за градбата. Градежната дозвола од Општина Центар е издадена на 14 ноември 2024 и според неа, ќе се гради станбена зграда на приземје, шест ката и поткровје. Сендвичарата „Кинг бургер“ пред дваесетина години беше ...

Унгарската нискобуџетна компанија „Визер“, која држи повеќе од 50 проценти од воздухопловниот пазар на македонските аеродроми, од 9 март ја укинува линијата од Скопје за Будимпешта. На страницата за резервации веќе не може да се купат карти за главниот град на Унгарија. Компанијата нема официјално известување зошто ја укинува и оваа линија од Скопје и дали планира да ја врати со зимскиот ред на летање во октомври. Ова е седма линија што „Визер“ ...

Доналд Трамп кажа дека Русија ги држи картите во какви било преговори за крај на војната во Украина затоа што има освоено многу територија. Тој изјави за Би-Би-Си дека верува дека Русија сака да ја заврши војната, што ја почна пред речиси три години. „Мислам дека Русите сакаат крај на војната, навистина го мислам тоа. Мислам дека тие ги држат картите зашто имаат освоено многу територија. Навистина верувам дека Русија сака мир“, кажа Трамп. Тој ...

Доналд Трамп го нарече Володимир Зеленски диктатор и му порача да побрза, инаку ќе го изгуби и она што остана од Украина. Откако претходно ја обвини Украина за почеток на војната со Русија, на што Зеленски му возврати дека живее во меур од руски дезинформации, Трамп сега жестоко го нападна украинскиот претседател на својата социјална мрежа. „Ја сакам Украина, но Зеленски заврши ужасна работа. Неговата земја е распарчена, а милиони луѓе ...

САД не си одат, работиме и правиме фантастични настани, рече денеска американската амбасадорка во Македонија, Анџела Агелер, на промоцијата на донацијата на мобилно оперативно возило за Црвениот крст. Одговарајќи на новинарско прашање, како ќе се одрази на Македонија замрзнувањето на средствата за финансирање на програмите на Американската агенција за меѓународна помош (УСАИД) по одлуката на американскиот претседател Донал Трамп, Агелер рече ...

Американската амбасада во Македонија денес му донираше мобилно оперативно возило на Црвениот крст во земјава, кое ќе може да се користи и во пожари за пребарување на изгубени лица. Возилото е опремено со најсофистицирана опрема за комуникација со сите институции, во чија внатрешност има тетра радио станици, дрон со термална камера, сателитски интернет, струјно напојување. Претставува оперативно комуникациски мобилен центар и ќе овозможи ...

Уставниот суд денеска едногласно ја прифати иницијативата на обвинителката Ленче Ристоска да се поведе постапка за испитување на уставноста на Деловникот на Советот на јавни обвинители, кој пропишува дека иако не работат на предмети, додека се 4 години на функција во Советот стажот им се смета како позитивно оценет. Со таа висока позитивна оценка, член на Советот на јавни обвинители од редот на обвинителите, кога ќе излезе оттаму, може да ...

Од септември годинава средношколците со попречености ќе имаат образовни асистенти во средните училишта, рече министерската за образование Весна Јаневска на денешната прес-конференција. „Законот за средно образование вчера помина на Влада и ќе оди во собраниска процедура. Се надевам дека овојпат ќе помине како што треба. Претходниот Закон не предвидуваше образовни асистенти во средните училишта. Овој закон го предвидува тоа. Она што е сигурно ...

Заврши расправата во Уставниот суд за оспорените членови на Изборниот законик со кои се штитат од конкуренција големите партии, на штета на независните граѓански организации и групи избирачи. Но, засега не се поведува постапка против овие одредби кои ги поткопуваат темелните вредности на нашиот Устав, затоа што резултатот во гласањето беше – нерешено. Поради службено отсуство во Хрватска на деветтиот член на Уставниот суд, судијката Ана ...

Сите завршени и тековни студенти и постипломци кои со државни пари студирале или студираат во странство, ќе мора да се пријават во Министерството за образование и наука и за првпат да се регистрираат на посебен дигитален регистар што државата го воведува годинава, најави министерката за образование Весна Јаневска. Со регистерот државата ќе има увид врз статусот на стипендистите, дали ги завршиле студиите, се вратиле во државата или не, нашле ли ...

Објектот на Театар Комедија, некогашен Македонски народен театар, денес прослави 60 години од постоењето со изложба на скици од 20 костими кои биле користени во театарот. Скиците ги нацрта Елена Дончева, а почесна гостинка на настанот беше примабалерината Емилија Џипунова која настапувала во објектот. „Оваа зграда во која што сме сега и се надевам ќе бидат многумина по нас, пред 60 години била срцето на постземјотресно Скопје. Овде 60 години има ...

Цените на земјоделските производи растат, граѓаните плаќаат сè поскапа храна, а државатa одвојува повеќе пари од буџетот за субвенционирање на земјоделското производство.Bo Македонија се увезува масло за јадење, домати, пиперки, краставици од Албанија, Турција, Србија, иако земјава пред три децении задоволуваше многу поголем пазар од два милиони жители. Министерот за земјоделство верува дека работите ќе се променат на подобро. „Политиките на ...

Володимир Зеленски му порача на Доналд Трамп дека живее во дезинформациски меур откако тој кажа дека само 4% Украинци го поддржуваат актуелниот украински лидер. „Никогаш не коментирам рејтинзи на популарност, особено за мене или други лидери, но една последна анкета покажа дека 58% Украинци ми веруваат. Така што, ако некој сака да ме замени моментално, тоа нема да успее“, изјави Зеленски на прес-конференција во Киев. Петгодишниот мандат на ...

Земјоделците, иако засега во мал број, гледаат спас за нивните проблеми преку здружувањето во земјоделските задруги. Велат дека не е исто дали како поединец ќе набавуваат репроматеријали, вештачко ѓубриво, семе или ќе настапуваат заеднички, организирано. Очекуваат со здружувањето да имат можност за подобар пласман на нивниот род директно до маркетите, со што корист ќе имаат потошувачите преку пониската цена. Дилемата е кој е најдобриот избор, ...

Рускиот Фонд за директни инвестиции очекува бројни американски компании да се вратат во Русија уште во второто тримесечје од оваа година, изјави неговиот шеф Кирил Дмитриев, кој беше дел од руската делегација на разговорите со САД во Саудиска Арабија. По почетокот на руската агресија врз Украина во февруари 2022, голем дел западни компании ја напуштија Русија, а некои дури ги продадоа своите бизниси со големи попусти. Откако се врати во Белата ...

Управата за финансиска полиција поднесе кривична пријава до Основното јавно обвинителство Скопје против Перпарим Бајрами, поранешен директор на АД Државна лотарија, поради основано сомнение за сторено кривично дело Злоупотреба на службена положба и овластување. Според пријавата, Бајрами се сомничи дека ја злоупотребил својата позиција, склучувајќи договор за закуп на административно-деловен простор со правното лице ХЕЈ ДООЕЛ Скопје на 5 јули ...

Централните градски улици во Штип во последните десетина години континуирано се прошируваат со изградба на конзоли над коритото на реката Отиња. Проширувањето е со неколку метри при што се добиваат побезбедни тротоари, а се овозможува побрза и подобра фрекфенција на возилата. Од почетокот на оваа година почна изградбата на конзоли над коритото на Отиња од таканаречените Каменик Мост до Влашкиот Мост во должина од стотина метри. Новите конзоли ќе ...

Папата Фрањо развил пневмонија во двете белодробни крила и неговата состојба останува сложена, објави Ватикан. Осумдесет и осумгодишниот поглавар на Римокатоличката црква страда од респираторна инфекција повеќе од една недела и во петокот беше примен во римската болница „Џемели“. „Скенирањата на градниот кош покажаа почеток на двојна пневмонија, за што е потребна дополнителна терапија со лекови. Клиничката состојба на папата останува сложена. И ...

Се чувствувам исто како вчера да беше кога за првпат се качив на сцената, срцето ми чука од возбуда и нерви, никогаш не замислувајќи дека танцот ќе стане толку одлучувачки дел од мојот живот, вели Саша Евтимова, истакнат балетски солист, педагог и кореограф која вечерва (20 часот) ќе настапи во улогата на Гудула во балетот „Есмералда“ во Националната опера и балет (НОБ). Оваа година, Евтимова одбележува 25 години успешна уметничка дејност. ...

Сѐ уште не се знае од кога учениците со попреченост во средното образование ќе добијат образовни асистенти. Министерката за образование и наука Весна Јаневска на 10 септември лани, рече дека очекува најрано да почнат од јануари 2025, но родители на ученици со попреченост велат дека ни во второто полугодие од учебната 2024/2025 нема образовни асистенти. Од Министерството за образование и наука (МОН) сега велат дека новиот Закон за средно ...

Министерство за правда денеска на владината седница го доставило мислењето за работата на Државниот обвинител Љупчо Коцевски, во кое, според портпаролката Марија Митева, бил нотиран нарушен углед на институцијата со која раководи Јавниот обвинител, спротивно на член 4 став 1 од Законот за Јавно обвинителство. „Натаму, целокупната јавност во изминатиов период беше сведок на низа скандали, нарушена функционалност на Јавното обвинителство, ...

Володимир Зеленски ја откажал посетата на Саудиска Арабија за да не ѝ даде легитимитет на средбата САД-Русија, изјавија два добро упатени извора за „Ројтерс“. Украинскиот претседател требаше денеска да го посети Ријад, ден откако таму се сретнаа високи делегации на САД и Русија за да разговараат за подобрување на билатералните односи и за почеток на мировните разговори за Украина. Зеленски од Анкара порача дека ја одложува посетата до 10 март ...

Доналд Трамп ја критикуваше Украина откако Володимир Зеленски кажа дека е изненаден што неговата земја не беше поканета на разговорите во Ријад, каде што вчера се сретнаа високи функционери на САД и Русија. Велејќи дека е разочаран од реакцијата на Украина, тој на некој начин ја обвини за почетокот на војната и додаде дека порано требала да направи договор. Руска и американска делегација, предводени од првите дипломати Сергеј Лавров и Марко ...