Од 18:00 часот сообраќајот на ГП Евзони (Богородица) е затворен за секаков тип на возила, информираат од АМСМ. На другите гранични премини од македонска страна, нема подолги задржувања за влез и излез од државата. Сообраќајот на државните патишта се одвива непречено, по суви коловози. Интензитетот на сообраќај на патните правци надвор од градските средини е умерен. АМСМ препорачува прилагодена брзина на движење, почитување на поставената ...

Синот на филмскиот режисер и актер Роб Рајнер е уапсен под обвинение за убиство откако режисерот и неговата сопруга беа пронајдени мртви во нивниот дом во Лос Анџелес, изјави во понеделникот полициски функционер. Ник Рајнер е задржан во затворот во округот Лос Анџелес со кауција од 4 милиони долари, според затворските записи. Претставник на шерифскиот оддел на округот Лос Анџелес изјави дека е уапсен под обвинение за убиство. Полицијата соопшти ...

Американските мировни преговарачи ѝ порачаа на Украина на разговорите во Берлин дека мора да се согласи да ги повлече своите сили од рабните делови на Доњецк, доминантно со руско и рускојазично население региони одметнат уште од 2014 година по насилниот преврат во Киев поддржан од Западот, како дел од каков и да е договор за ставање крај на речиси четиригодишната војна, изјави функционер запознаен со ова прашање. Изворот, како што пренесува ...

Американската пејачка суперѕвезда Мараја Кери ќе настапи на миланскиот стадион „Сан Сиро“ на 6-ти февруари на церемонијата на отворањето на Зимските олимписки игри Милано-Кортина д’Ампецо, објавија организаторите во понеделникот. Централната тема на Игрите е складноста а нејзиниот настап има цел да истакне како спортот и музиката поттикнуваат вклучителност, почит и културна размена. Мараја Кери има освоено шест Греми награди во својата кариера и ...

Цените на нафтата останаа под 61 долар на меѓународните пазари во понеделникот, а аналитичарите предвидуваат дека Кина очекува значително повеќе барели од Венецуела до крајот на годината, со тешкотии во транспортот, но и изобилство на понудата од санкционираните Русија и Иран. На лондонскиот пазар, со барелот попладнево се тргуваше за 60 центи пониска цена отколку на затворањето на тргувањето на крајот од минатата седмица, на 60,52 долари. На ...

Градоначалникот на Демир Капија, Лазар Петров, доби кривична пријава од ОВР Неготино за загадувањето на водата во Прждево во текот на неговиот претходен мандат. Кривична пријава до Основното јавно обвинителство Кавадарци е поднесена и против П.Ј. (50) од Неготино, против Општина Демир Капија и Јавно претпријатие за комунални работи „Бошава“ од Демир Капија, поради постоење основи за сомнение дека сториле кривично дело „загадување на животната ...

Европската ракометна федерација (ЕФХ) го одреди новиот формат за Лигата на шампионите, а македонскиот ракометен шампион нема директно учество во најквалитетното натпреварување туку тоа ќе може да го оствари со барање за вајлд-карта. Извршниот комитет го потврди системот, а рангирањето на федерациите е според резултатите од сезоните 2022/23, 2023/24 и 2024/25. На првите десет места се рангирани следните федерации: Германија, Шпанија, Франција, ...

Американското Федерални биро за истраги (FBI) спречи заговор за бомбашки напад насочен кон повеќе цели, вклучувајќи агенти и возила на агенцијата за имиграција (ICE) во Лос Анџелес и округот Оринџ, објави во понеделникот државната обвинителка Пам Бонди. „Фронтот за ослободување на островот Тартл – крајно левичарска, пропалестинска, антивладина и антикапиталистичка групација, се подготвуваше за серија бомбашки напади врз повеќе цели во ...

За време на посетата на украинскиот претседател Володимир Зеленски на Берлин беше претставен план од 10 точки, кој предвидува Германија да ја продлабочи посветеноста на одбраната на Украина преку заеднички вложувања, понатамошна трговска интеграција и можности за гарантирање на инвестициите. „Силната украинска одбранбена индустрија е клучна за одбрана од руска агресија и претставува важен елемент на безбедносните гаранции за одвраќање на идната ...

Унгарскиот премеир Виктор Орбан пред почетокот на седницата на Комитетот за европски прашања во Парламентот во Будимпешта на својот профил на Facebook објави дека се подготвува за претстојниот Самит на Европската унија во Брисел. „Влогот е едноставен: војна или мир. Никогаш не сме биле толку блиску до решавање на руско-украинската војна. Европа е на прагот на огромна можност: САД наскоро може да ја завршат војната што ние Европејците не можевме ...

Денеска го одбележавме значајното партнерство меѓу Министерството за финансии и САД, кое со години придонесува за градење модерен, транспарентен и одговорен систем на јавни финансии, истакна министерката за финансии, Гордана Димитриеска Кочоска. „Со поддршка од Трезорот на САД и Канцеларијата за техничка помош – ОТА, работиме на зајакнување на институциите, подобро управување со јавниот долг, посилна буџетска отчетност и развој на финансиските ...

Најмалку 37 лица загинаа во ненадејни поројни поплави во мароканскиот град Сафи на атлантскиот брег, соопштија мароканските власти во понеделникот. Четиринаесет лица сè уште примаат медицинска помош, вклучувајќи две на одделението за интензивна нега, се наведува во соопштението. Силните дождови во неделата ги поплавија куќите и продавниците во стариот дел на пристанишниот град Сафи, однесоа автомобили и го запреа сообраќајот на многу патишта во ...

Управата на англискиот фудбалски великан Тотенхем Хотспур е незадоволно од резултатите и играта на тимот и размислува за промена на тренерската позиција, објавија британските медиуми. По 16 кола „Спарс“ се на 11-то место во Премиер лигата. Освен лошите резултати, данскиот тренер Томас Франк, кој го презеде клубот во јули годинава, е најмногу критикуван за тоа што не воспостави препознатлив стил на игра. Управата, исто така, смета дека нема ...

Норвешкиот извоз зебележа значитечно намалување во ноември, со остар пад на вредноста на испораките на нафта и гас, покажаа податоците кои во понеделникот ги објави тамошното биро за статистика. Извозот се намали за 9,5 отсто во ноември во споредба со октомври, кога скокна за 17,2 отсто, пресметаа статистичарите. Увозот, од друга страна, остана повеќе или помалку на нивото од претходниот месец, при што вредноста на испораките се зголеми за ...

Преспанското Езеро оваа година стана сцена на првите подводни археолошки истражувања во овој регион, значаен и историски момент за културното наследство на Македонија. Истражувањата започнаа како активност на НУ Завод и музеј – Битола и ГО за развој на алтернативен туризам Љубојно, а во рамките на проектот ACT4PRESPA, со цел да се идентификуваат, документираат и заштитат археолошките богатства во, и околу езерото. Во првите две фази стручен тим ...

Жител на Осиек испратил во експозитура на „Хрватска пошта“ пакет за Сплит – но пакетот некако завршил во Германија, пишува хрватски „Индекс“. „При испраќањето, ми беше издадена потврда за испорака, на која јасно беше наведена адресата на примачот. Следејќи ја пратката преку системот за следење на HP, утврдив дека пакетот завршил во Германија, наместо во Сплит. Не на друга улица, не во друг град, туку во друга земја“, вели читателот на „Индекс“. ...

Инвестициите во дигитализација, декарбонизација и зајакнување на производственото портфолио базирано на зелени решенија, остануваат стратешка определба на ТИТАН Усје во 2026 година. Новите зелени еко цементи со намалено учество на клинкер, ги следат најновите светски трендови во индустријата и значително придонесуваат за поголема декарбонизација, што е една од клучните определби на компанијата. Како резултат на конкурентноста на зелени еко ...

Двајцата вооружени лица вмешани во пукањето на плажата Бонди се сопственик на продавница за овошје и неговиот 24-годишен син. Навид Акрам, 24, и неговиот татко Саџид, 50, се идентификувани како напаѓачите кои отворија оган на прославата на Ханука во Сиднеј, при што загинаа 16 лица. Саџид беше застрелан од полицијата на местото на настанот. Неговиот син останува во болница под полициска стража. Нивниот дом во Бонириг, 50 км западно од Бонди, беше ...

С.С., директор на Јавното комунално претпријатие „Брегалница“ – ПО Делчево, и М.К., раководител на сектор во јавното претпријатие, четири години не презеле мерки да се изврши наплата на долгови од корисници – неплаќачи, во ЈКП „Брегалница“ – ПО Делчево. Управата за финансиска полиција до Основното јавно обвинителство Делчево поднесе кривична пријава против двајцата, за сторено кривично дело „Несовесно работење во службата“. Штетата што ја ...

Со првиот лет на новата директна авиолинија Скопје – Прага, земјава прави значаен исчекор во унапредувањето на меѓународната поврзаност, економската соработка и мобилноста на граѓаните. На настанот по повод воспоставувањето на авиолинијата се обрати министерката за енергетика, рударство и минерални суровини Сања Божиновска, заедно со чешкиот амбасадор Јарослав Лудва, генералниот директор на TAV Македонија, Неџат Курт, како и претставници на ...

Завршија разговорите во Берлин меѓу претседателот на Украина, Володимир Зеленски и американските претставници Стив Виткоф и Џаред Кушнер, објави Ураинформ. Според украинските медиуми, средбата на која се разгледувале 20 точки од американскиот мировен план, траела два часа. Неименуван украински извор изјави дека Зеленски веќе е на средба со германскиот претседатеч Франк-Валтер Штајнмајер. Предвидено е Зеленски во текот на денот да разговара и со ...

Апелациониот суд Скопје ја зголеми казната затвор за Васил Јованов на 13 години. Јованов беше првостепено осуден на 12 години затвор за „тешки дела против безбедноста на луѓето и имотот во сообраќајот“. Тој во јануари годинава, управувајќи возило со брзина од 91 км/ч, без возачка дозвола и под дејство на алкохол, поминувајќи на црвено светло на пешачки премин удри во Фросина Кулакова, која починала на лице место. -Апелациониот суд Скопје во ...

„150 желби за 150 деца без родителска грижа“ – СОС Детско Село ја започна новогодишната хуманитарна инфлуенсерска кампања Во пресрет на новогодишните празници, како дел од иницијативата #ИнфлуенсериЗаДобро, СОС Детско Село и оваа година ја започнува емотивната хуманитарна инфлуенсерска кампања „150 желби за 150 деца без родителска грижа“. Целта на кампањата е 150 инфлуенсери, јавни личности и поддржувачи да споделат новогодишна порака посветена ...

Продолжува новогодишната магија во Дајмонд мол. Денес почнува Новогодишниот базар, кој ќе понуди голем избор на подароци и сувенири во празничен дух. Новогодишниот базар ќе трае до 28 декември, а во истиот период посетителите ќе можат да уживаат во виртуелно патување на Северниот пол и да пазаруваат во продавниците на Дедо Мраз. Викендите до Нова година ќе бидат исполнети со атрактивни содржини за најмладите. Па така, на 20 декември ќе се одржи ...

Советот на ЕУ за првпат воведе санкции против американски државјанин поради поддршка на Русија на интернет, објави ТАСС. Санкциите се насочени кон поранешниот заменик- градоначалник на Флорида, Џон Марк Дуган. Во 2016 година, тој побара политички азил во Русија. Објавената резолуција на Советот на ЕУ наведува дека Дуган е јавно обвинет за учество во дигитални информациски операции на интернет, наклонети кон Кремљ. Во документот, исто така, се ...

Регулаторната комисија за енергетика, водни услуги и услуги за управување со комунален отпад (РКЕ) донесе Одлука со која се врши намалување на малопродажните цени на нафтените деривати во просек за 2,09% во однос на одлуката од 12.12.2025 година. Малопродажните цени на бензините ЕУРОСУПЕР БС-95 и ЕУРОСУПЕР БС-98 како и на ЕУРОДИЗЕЛ (Д-Е V) се намалуваат за 2,00 ден/лит. Малопродажната цена на Екстра лесното масло за домаќинство на (ЕЛ-1) се ...

Здружението на граѓани „Одбор за традиционална прослава на Бадник” денеска ги претстави кумот и здравичарот за 2026 година. Претприемачот и експерт во областа на енергетиката Зоран Кондратенко е кумот на прославата, а музичарот Јаков Дренковски ќе биде здравичар. Кумот и здравичарот споделија дека нивното назначување претставува голема радост и гордост за нив и нивните семејства. „Последните четири години, достоинствено и во духот на вера, надеж ...

Трезорот работи, работите се извадени од контекст. Нема простор за паника, изјави денеска министерката за финансии Гордана Димитриеска – Кочоска по објавите дека трезорот се затвара на 15-ти месецов поради немање прилив и дека ќе бидат стопирани сите исплати. – Не сме го заклучиле Трезорот. Ова прашање го следам деновиве и излезе од контрола. Не можам да ги разберам, поготово да доаѓа од опозиција која наместо да се средува во своите сопствени ...

Министерот Панче Тошковски истакнува дека денеска заокружиле една исклучително важна фаза во процесот на модернизација на системот за обука во Министерството за внатрешни работи. Преку партнерството со Мисијата на ОБСЕ во Скопје и поддршката од нашите меѓународни пријатели, во изминатите години изграден е модерен и одржлив хибриден образовен систем кој суштински го менува начинот на стручно усовршување на полицијата. -Со воспоставувањето на ...

Tретиот претседател на Македонската aкадемија на науки и уметности (МАНУ), aкадемик Јордан Поп Јорданов е носител на орденот Свети Никола, кој се доделува традиционално од страна на градоначалникот на Општина Штип. Орденот ќе биде врачен постхумно на неговото семејство на 18 декември на Свечената академија во Соборниот храм „Свети Никола“ во Штип. Академик Поп Јорданов е македонски и светски познат јадрен физичар. Завршил гимназија во Штип, ...