Проект за социјално домување во Барселона, чиј автор е локалното студио „Перис+Торал“, е годинашниот добитник на меѓународната награда РИБА, што ја доделува Кралскиот институт на британски архитекти за најдобра нова зграда во светот. Зградата беше фалена за нејзиниот дизајн со модуларна дрвена рамка, што промовира флексибилност за своите жители, за што жирито рече дека се стреми да покаже вистинска промена. Довршена во 2022, зградата се состои ...

Изложбата „Не си одам дома“ на уметницата Клелија Живковиќ ќе се отвори на 3 декември во Мала станица, објект на Националната галерија на Македонија (НГМ), во 20 часот. Изложбата содржи дела создадени во 2023 и 2024. „Тишината во темнината е поинаква од тишината на денот. Кога ќе стивне денот, шепотот најјасно се слуша. Изговореното и премолченото женско знаење. Насилството од кое се штитиме една со друга. Насилството што си го нанесуваме една ...

Незаборавна вечер со извонредна изведба на светски познатите хитови „Bamboleo“, „Volare“, „Jobi Joba“ и многу други приредија легендарниот музичар Маноло Гименез и бендот „Voice of the Gypsy Kings“ во Центарот за култура во Битола. Концертот, кој беше дел од Фестивалот на музика од светот, никого не остави рамнодушен во публиката. Гименез, придружуван од пет гитари, повеќе од час и половина пееше и свиреше каталонска румба и фламенко, а ...

Националниот џез оркестар го одржа својот најдобар концерт досега, сношти (30 ноември) по подолго време повторно во салата на Филхармонијата. Убаво избрани рок и поп хитови слушавме на настанот „Golden Rock Swings“, кој беше полн и со долги аплаузи. По четири хита испеаја Светлана Јовановска, Џон Илија Апелгрен, Бранислав Николов („Фолтин“) и Дејан Бобиќ-Дексо. „Драго ни е што по подолго време повторно свириме во салата на Македонската ...

Триесет и пет диџеи и разни стилови на електронската музика ќе се обединат на големата новогодишна забава во Младински културен центар во Скопје. Замислена како потсетување на златните времиња на скопската клупска сцена од 1990-тите и 2000-тите, журката ќе се одвива на четири бини: во Денсинг салата ќе се пуштаат хаус и техно, на подиумот над кино Фросина ќе има хип-хоп, драменбејс и џангл, во клубот МКЦ ќе се танцува на гоа/транс, а во бифето ...

Будимпешта го претстави првиот трамвај на светот направен од лего коцки и поставен на фиксни шини. Тој еден месец ќе биде изложен на централниот плоштад Ференц Деак. Составен од 1,8 милиони коцки, трамвајот е долг 11,5 метри и тежи шест тони, а бил конструиран од 90 градежници за над 6.800 часа. Тој нема да превезува патници, но бил влечен од два мали железнички мотора до неговото изложбено место. Градоначалникот Ѓерѓели Карачони истакна дека ...

Сузана Спасовска ја препеа старата песна од Гоце Николовски „Има една земја“ во дует со поп-пејачот Александар Тарабунов. Новата верзија ќе се промовира на 7 декември на концертот „Македонијо во срце те носиме“ во Филхармонијата. Автор на музиката на песната е Григор Копров, а Гоце Николовски ја испеа во 1986 година, на албумот што го носи неговото име. Николовски, кој во тоа време живеел во Ниш, пеел шлагери и бил дел од групата „Далтони“. ...

Српската хит-претстава „Хотел 88″, која требаше да се игра денеска (30 ноември) во Националната опера и балет, е одложена за февруари 2025. Ваквата одлука била донесена поради болест на еден од глумците, објави „Јес продукција“. Во претставата, која досега била изведена повеќе од 500 пати, играат Тамара Крчуновиќ, Јелисавета Орашанин-Теодосиќ, Андрија Кузмановиќ и Владимир Алексиќ, а режисерка е Сташа Копривница. Дејството се одвива во луксузен ...

„Апокалиптика“ им се врати на корените и на новиот албум и на актуелната турнеја ја стави „Металика“ во фокусот на своето музицирање. Така беше и на синоќешниот концерт во „Борис Трајковски“, трет за групата во Македонија, каде што финскиот квартет свиреше, а публиката пееше класици на „Металика“. Перту Кивилаксо, еден од виолончелистите, кажа дека за разлика од првиот албум од 1996, сега им било далеку потешко да изберат кои песни ќе ги ...

Бурниот живот на британската поп-ѕвезда Роби Вилијамс е инспирација за мјузиклот „Подобар човек“ (Better Man), во кој пејачот е претставен како мајмун со помош на дигитална технологија. Полуавтобиографскиот филм го следи животот на Вилијамс од детството до светската слава. Вилијамс го позајмува гласот на главниот лик, а во филмот се користени и некои од неговите најголеми хитови. На премиерата во Лондон Вилијамс кажа дека му е лесно да ја ...

Во свечена атмосфера, вчера (28 ноември) беше отворен 16. Фестивал на музика од светот во Центарот за култура во Битола, кој ќе трае до 1 декември. Првата вечер беше поетско-музичкиот перформанс „Волкот на љубовта“ на Бранислав Николов и Тихомир Јанчовски, на кој се изведоа најубавите љубовни песни од македонската современа сцена. Настанот започна со интерпретација на македонската поезија од поетот Тихомир Јанчовски, кој преку зборовите на ...

По повод Светскиот ден на борбата против сида, на 1 декември од 20 часот во „Макка бар“ во Скопје ќе се одржат добротворна изложба и аукција. Модератор на настанот и на аукцијата ќе биде новинарката Катарина Синадиновска, а музика ќе пушта Соња Исмаил. „Слоганот ‘ХИВ не ме прави помалку човек’ е за подигнување на свесноста за ХИВ како една од сè уште активни епидемии во светот и кај нас, на која може да ѝ ставиме крај ако ја намалиме стигмата ...

Котон блуз фестивал ја долови сржта на блузот и ни го претстави во најизворниот можен облик на своето петто издание, што се одржа во полниот културно-едукативен центар „Лабораториум“ во Скопје. Во исто време, ни ја покажа и веселата и разиграна страна на блузот, за да може овој мал јубилеј да се прослави и во ритам за танцување. Толку беа спротивни Алвин Јангблад Харт и триото на Роб Тоњони, главните ѕвезди на вечерта: првиот нурнат во својот ...

На 10 декември, во малата сала на Филхармонијата ќе се одржи предновогодишен концерт на кој ќе настапат четворица домашни музичари, објави „Баги комуникации“. На гитара е Мухамед Ибрахими (фото), пијано ќе свири Бобан Мирковски, на перкусии е Ратко Даутовски, а на виолончело Фјола Исмаили. „Овој спој на музичари е ретка можност за сите љубители на музиката да доживеат хармонија што инспирира и разбудува емоции“, велат организаторите. Билетите се ...

На 30 ноември од 20 часот, на малата сцена во НУЦК „Григор Прличев“ во Охрид ќе се одржи културниот настан „Напуштени места“, кој ги спојува танцот и филмот. Во организација на здружението „Културен центар Медиа Артес“, настанот е дел од проектот „Сиот свет е сцена“. Ќе започне со проекцијата на краткиот експериментален филм „Лима“ на режисерот Батухан Ибрахим и кореографката Ивана Балабанова. Потоа следува танцовиот перформанс „Лиминално тело ...

Промоција на млад музичар, концертна промоција на албум и две големи ѕвезди на блузот ќе бидат на програмата на петтото издание на Котон блуз фестивал, што ќе се одржи вечерва (28 октомври) во салата на културно-едукативниот центар „Лабораториум“ во Скопје, со почеток во 20:30 часот. За разлика од претходните четири години, ова е првпат фестивалот да има само една вечер, но организаторите велат дека ја има и најквалитетната програма досега. ...

Тинејџерите се соочуваат со низа нови ограничувања околу употребата на филтрите за разубавување на ТикТок среде загриженоста за зголемена анксиозност и намалување на самодовербата. Во следните недели, корисниците помлади од 18 години нема да смеат вештачки да си ги зголемуваат очите, да си ги пополнуваат усните или да си ја измазнуваат кожата. Ограничувањата ќе се однесуваат на филтри како Bold Glamour кои можат да ги променат карактеристиките ...

Пијанистот Дино Имери ќе има неколку настапи од 2 до 7 декември во рамките на проектот „Недела на Бах“. Ќе одржи концерт, музички работилници за деца и предавања, кои од различни аспекти ќе ги претстават музиката и животот на Јохан Себастијан Бах. На 2 декември, Имери ќе одржи предавање на Факултетот за музичка уметност, на кое ќе зборува за создавањето на делото „Голдбергови варијации“. Два дена подоцна тој ќе изведе рецитал со наслов „Кодот на ...

Британскиот фолк-панк кантавтор Френк Тарнер ќе одржи концерт на 14 март 2025 во киното Фросина во Младински културен центар во Скопје. Од „Пасворд продукција“ велат дека тоа ќе биде специјален акустичен концерт. Четириесет и двегодишниот Тарнер ја почнал кариерата во пост-хардкор бендот „Милион дед“, а од 2005 настапува соло. „Френк Тарнер, еден од најуспешните британски изведувачи во изминатата деценија, најмногу се потпира на сопствените ...

Утре (28 ноември) во 19 часот во фоајето на Кинотеката ќе се отвори изложбата „Природно“ (Effortless) на уметницата Јана Луловска. Изложбата содржи дигитални слики кои постојат во еден простор во кој што флуидноста и течението не се само естетски квалитети, туку се најважни за самата природа на уметничкото дело. „Луловска користи дигитални алатки за да ги надмине традиционалните ограничувања, создавајќи притоа еден флуиден, неограничен визуелен ...

Заврши снимањето на краткиот игран филм „За Ева“ по сценарио на Бојан Василев и Андреј Насков. Режисер на филмот е Бојан Василев. Улогите ги толкуваат Миа Жиро, Изабела Новотни, Талиа Харалампиев, Игор Стојчевски и Стефан Ристевски. Филмот го снимаше Сашо Василев, а продуценти се Андреј Насков и Бојан Василев преку „Василеви продукција“. Филмот има за цел да го поттикне дијалогот на Западен Балкан преку зајакнување на културните и креативните ...

Едо Мајка го откажа настапот на претстојниот фестивал Таксират и како негова замена доаѓа Смоке Мардељано, уште една голема балканска хип-хоп ѕвезда. Од „Пасворд продукција“ кажаа дека босанскиот музичар не е во можност да дојде од оправдани причини, а тој преку видеопорака им се извини на македонските фанови. Смоке Мардељано, чие вистинско име е Милош Стојановиќ, ѝ е исто така добро познат на македонската публика. Дете на белградскиот асфалт, ...

Младиот трап пејач Христијан Настески-Пајак сними дует со поп-пејачот Елвир Мекиќ. Песната „Негде после два“ има сличен наслов со онаа која пред повеќе од 15 години ја испеа Мекиќ, „Некаде после два“. Мекиќ со новиот дует се враќа на музичката сцена по десет години. Тој сега живее во Сараево со семејството и работи во претставништво на македонска винарија. „Мислам дека направивме добар спој со кој ќе ја опфатиме постарата публика, а Пајак ја има ...

„Ние сме заедница“ е мотото на третиот Слоу фуд салон, кој ќе се одржи во Скопје на 9 ноември, во хотелот „Лимак“. На настанот, посетителите ќе можат да дегустираат храна и пијалаци од домашни производители. „Ќе има околу 70 изложувачи од цела Македонија со традиционални производи: ајвар, лутеница, пинџур, мед, џем, разни видови сирења и кашкавал, слатко од смокви, домашни јуфки и малака, производи од тартуфи, домашни сокови, сушено овошје, чај. ...

Џез гитаристот Владимир Василевски-Четкар во декември и во јануари ќе оди на турнеја низ САД и ќе настапи во неколку клубови со своја авторска музика. Следниот месец тој ќе свири во Њујорк, Детроит, Кливленд и Колумбус, а во јануари има закажани настапи во Сан Франциско и Чикаго. Македонскиот композитор, аранжер, продуцент, гитарист и пејач неодамна го издаде својот нов студиски албум „Let Us Be“ во Јапонија преку јапонската дискографска куќа ...

Јапонската козметичарка Наоми Аримото го решава светското загадување од пластика така што ја става во вештачките нокти кои им ги прави на нејзините клиентки. На плажата во близина на нејзиниот дом јужно од Токио, Аримото внимателно избира ситни парчиња пластика што може да ги обликува во украсни врвови за да ги стави на ноктите во нејзиниот салон. Таа дошла на оваа идеја откако учествувала во чистење на заедницата долж брегот. „Станав свесна за ...

Во Македонскиот народен театар (МНТ) се одржа првата читачка проба за претставата „Народен пратеник“ од Бранислав Нушиќ, во адаптација и режија на Егон Савин. Асистент на режија е Шенај Мандак. Во претставата играат Александар Микиќ, Дарја Ризова, Тони Михајловски, Јордан Симонов и Тања Кочовска. Сценограф е Весна Поповиќ, костимограф е Роза Трајческа-Ристовска, а преводот е на Загорка Поп-Антоска Андовска. Ова е трета постановка на познатата ...

Вечерва (26 ноември) од 20 часот, во Велешкиот театар гостува Драмско-куклениот театар од Враца, Бугарија, со комедијата „Гимнастика за бремени жени“ од Здрава Каменова, а во режија на Петринел Гочев. „Четири трудници, сите по име Марија, се среќаваат на час по гимнастика за трудници и ова познанство ги води до непромислено бегство и најлудата ноќ во нивните животи. Ова е претстава за најекстремното искуство, патување низ апсурдите, лудилото и ...

Сер Елтон Џон изјави дека не може да го заврши својот нов албум затоа што сѐ уште не гледа добро откако доби инфекција во јули. Тој не можеше да гледа со десното око во последните четири месеци. „Можам да дојдам на интервју, но одење во студио и снимање се проблем, бидејќи не можам да го видам текстот на песната. Ме измачува и не можам да видам ништо“, рече пејачот. Сер Елтон додаде дека се лекува и има надеж и охрабрување дека ќе биде во ред. ...

Најубавите поп и рок класици ќе ги свири Националниот џез оркестар на концертот на 30 ноември од 20 часот во Филхармонијата, најави на денешната прес-конференција директорот на оркестарот Гоце Стевковски. „Ова ќе биде еден гламурозен концерт со прекрасни аранжмани кои се купени од Пол Енка. Гостите кои ги поканивме како вокали се сите со свои карактери и не случајно избрани“, кажа Стевковски. На концертот насловен „Golden Rock Swings” гости се ...