Владата будно ја следи безбедносната состојба на Блискиот Исток, активиран е кризен штаб во Министерството за надворешни работи и надворешна трговија, изјави премиерот Христијан Мицкоски во врска со случувањата помеѓу Иран и Израел. -Има кризен штаб во МНР и НТ, се следи будно состојбата преку извештаите кои што ги добиваме преку службени канали, така што не би коментирал повеќе од ова што го кажав – изјави премиерот по отворањето на ...

Министерот за економија и труд Бесар Дурмиши смета дека нема драстично зголемување на цените на основните прехранбени производи и тврди дека пазарните инспектори ги следат состојбите во целиот ланец од производство до малопродажба. Дурмиши истакна дека по завршување на мерките на 30 април, во текот на цел мај, Државниот пазарен инспекторат ги следел цените во маркетите, дистрибутерите и производителите, за да се утврди дали има зголемување на ...

Британскиот државјанин Вишвас Кумар Рамеш чудесно ја преживеа страшната несреќа на патнички авион на „Ер Индија“ кој се урна во близина на Ахмедабад, Индија. Тој е единствениот преживеан од 241 патник и моментално се наоѓа на лекување во болница, во состојба на шок и неверување. „Сè се случи пред моите очи. Не можам да поверувам дека сум жив. Само јас преживеав – сите други беа мртви“, изјави Рамеш за индиските медиуми. Во сведочењето, Рамеш ...

Премиерот Христијан Мицкоски вели дека се следи состојбата со цените и најавува дека ќе се преземат мерки доколку има непринципиелни однесувања од страна на трговците. - Состојбата со цените апсолутно ја следам одблиску, реков дека нема да толерирам трикови, внимателно следиме што се случува во маркетите и се разбира доколку има одредени неприципиелни однесувања што јас ги нарекувам трикови ќе делуваме. Инаку имаме во план да носиме мерки, со ...

Хрватскиот министер за надворешни работи Гордан Грлиќ Радман изјави дека разговарал со хрватскиот конзул во Тел Авив и неговата сопруга, кои беа повредени во иранскиот напад врз Израел, потврдувајќи дека нивните повреди се полесни. „Шокиран сум од веста дека нашиот конзул и неговата сопруга се повредени во нападот врз Тел Авив. Зградата каде што живеат беше погодена. Разговарав со нив лично и за среќа, повредите се полесни и не се опасни по ...

На манифестацијата „Од нива до трпеза“ што се одржува денеска во Скопје премиерот Христијан Мицкоски испрати порака за поддршка на македонското земјоделство, истакнувајќи дека Владата е посветена на неговиот развој и поддршка на производителите. - Македонија има потенцијал и тоа не е фраза, тоа е факт. Имаме сонце, имаме вода, имаме плодна почва. Но пред се имаме луѓе. Луѓе кои не се плашат од рани зори, од кал на рацете, од работа до доцна ...

Каталонија ќе ја забрани употребата на мобилни телефони и паметни часовници во основните и средните училишта. И целосно, без исклучоци. Покрај тоа, технолошките уреди како што се таблетите и дигиталните бели табли ќе бидат повлечени од образованието во раното детство (до шест години), со цел да се спречи прекумерна изложеност на екрани. Сепак, лаптопите ќе останат во училиштата, иако нивната употреба ќе биде регулирана во зависност од возраста. ...

Иран потврди дека уште двајца високи воени функционери се убиени во израелските воздушни напади: генерал Голамреза Мехраби, заменик-началник на разузнавањето на Генералштабот на вооружените сили, и генерал Мехди Рабани, заменик-началник на операциите. Нивните имиња беа објавени од иранската државна телевизија, но не беше прецизирано каде загинале. Потврдата доаѓа откако Иран веќе ја призна смртта на неколку клучни воени и политички личности во ...

Претседателката Гордана Сиљановска-Давкова оствари средба со професори од Универзитетот Хамболт од Калифорнија, предводени од професорот Ник Ангелов, Македонец по потекло и професорот Љубен Тевдовски, од Универзитетот „Гоце Делчев“, раководител на македонско-американскиот тим којшто врши археолошки истражувања на македонска почва. На средбата присуствуваа и деканката на Универзитетот „Гоце Делчев“ од Штип, проф. д-р Емилија Петрова-Ѓоргиева и ...

Индиските власти потврдија дека е пронајдена „црната кутија“ од авионот на Ер Индија што се урна во четвртокот во густо населен дел од градот Ахмедабад. Несреќата, која се смета за една од најтешките во историјата на индиското воздухопловство, однесе најмалку 246 животи – 241 патник и членови на екипажот, како и најмалку петмина на земја. Дигиталниот уред за снимање податоци од летот бил пронајден на покрив во близина на местото на несреќата, ...

Русија ја заврши втората фаза од префрлањето на телата на убиените украински војници во Украина, без да добие ниту едно за возврат. Киев не вратил никакви тела на руските претставници, додаде изворот на агенцијата РИА Новости. „Москва продолжува да ги исполнува договорите од Истанбул“, вели изворот. На 2 јуни, во Турција се одржа втората рунда разговори меѓу Русија и Украина. Главните договори: префрлање на болните и тешко повредените по ...

Тајландскиот пејач Руангсак Лојчусак раскажа како ја преживеал авионската несреќа во 1998 година во која загинаа 101 патник, седејќи на седиштето 11А – исто како и единствениот преживеан од катастрофата на Ер Индија. Руангсак Лојчусак, 47, бил на летот „TG261“ на Тај ервејс од Бангкок до Сурат Тани кога авионот ја изгубил контролата и се урнал во мочуриште додека се обидувал да слета. Трагедијата одзела животи на 101 од 132 патници и 14 членови ...

Премиерот Христијан Мицкоски денеска ќе присуствува на настанот „Од нива до трпеза - сè од нашата општина“, што ќе се одржи во паркот „Авионче“ во општина Аеродром. Настанот, кој го организира здружението „Наша традиција, наша иднина“ со поддршка од Министерството за земјоделство, шумарство и водостопанство, има за цел да ја промовира традиционалната македонска храна, карактеристична за секоја општина, како и убавините на нашиот рурален туризам. ...

Семејствата на настраданите во пожарот во клубот „Пулс“, продолжуваат со организирање „Марш за ангелите“, а денеска ќе се одржи деветтиот по ред. За разлика од досегашните, овој протестен марш во Кочани ќе почне во 18:05 часот како симбол на задоцнетата реакција на институциите. Организаторите на маршот истакнуваат дека тој истовремено е и за поддршка на повредените лица во трагедијата и ги повикуваат нивните блиски, роднини и пријатели, да се ...

Од денеска, 14 јуни, до 17 јуни на полноќ трае првиот рок за електронско пријавување на учениците кои од септември ќе започнат со настава во прва година во јавните средни училишта за учебната 2025/2026 година. Пријавувањето се врши преку системот за електронски услуги на Министерството за образование и наука, достапен на https://e-uslugi.mon.gov.mk, со најава преку сопствените кориснички сметки на платформата schools.mk. По завршувањето на ...

Иран утрово започна четврти бран ракетни напади врз Израел, во рамки на Операцијата „Вистинско ветување 3“, соопшти иранската државна телевизија. Ова претставува одмазда за претходните напади на израелските воздухопловни сили врз ирански цели во четвртокот навечер. Израелските одбранбени сили (ИДФ) потврдија дека детектирале ракети истрелани од Иран и веднаш активирале одбранбени механизми. Во неколку израелски региони се огласија сирени, а ...

Времето денеска ќе биде претежно сончево и топло. Ќе дува слаб до умерен, а долж Повардарието повремено засилен ветер од северен правец. Минималната температура ќе биде во интервал од 8 до 18, а максималната ќе достигне од 26 до 33 степени. Во Скопје времето ќе биде сончево и топло. Ќе дува умерен, а во делови од котлината повремено засилен ветер од северен правец. Минималната температура ќе се спушти до 14, а максималната ќе достигне до 31 ...

Дали знаевте дека постои 60-секунден ритуал кој може да ви помогне да го израмните стомакот, да го подобрите расположението и генерално да станете поотпорни – сè пред да ја испиете првата голтка кафе? Звучи одлично што можете да постигнете толку многу за 60 секунди, нели? Не, не е смути од суперхрана или некој прескап гаџет. Тајната е во стандарден дел од опремата во секоја бања. Тоа е вашиот туш. Или поточно, ладна вода. Овој едноставен, но ...

Вишвакумар Рамеш, единствениот патник кој го преживеа падот на авионот на Ер Индија во кој загинаа 241 лице, изјави дека не можел да поверува дека е жив кога ги отворил очите, опкружен со пламен, урнатини и изгорени тела. Сместен во локална болница, Рамеш за индиската национална телевизија рече дека авионот изгледал како да е „заглавен“ во воздухот неколку секунди по полетувањето. Забрзал, но не успеал да се издигне, по што се урнал. Седел на ...

Новиот командант на Иранската револуционерна гарда (ИРГЦ), генерал-мајор Мохамад Пакпур, му се закани на Израел со одмазда по убиството на неговиот претходник во израелските напади врз Иран, јави ДПА. „Како одмазда за пролеаната крв на командантите, научниците и невините луѓе, портите на пеколот наскоро ќе се отворат за овој режим што убива деца“, напиша Пакпур во писмо до врховниот лидер Али Хамнеи, пренесуваат локалните медиуми. Поранешниот ...

Претседателот на САД, Доналд Трамп за „Волстрит џурнал“ (Wall Street Journal) изјави дека Вашингтон не бил предупреден, но бил свесен за израелските планови за напад врз Иран. -Предупредување? Немаше предупредување. Но, знаевме што се случува, наведе Трамп. Тој израелската операција врз Иран ја оцени како „многу успешен напад“. -И кажав на другата страна (Иран) дека имаат 60 дена да се постигне договор. Денеска всушност е 61 ден и тоа беше ...

Цените на нафтата забележаа најголем дневен раст од 2022 година наваму, откако Израел нападна ирански нуклеарни и воени објекти, што предизвика потрес на глобалните пазари и стравувања од поширок регионален конфликт. Американската нафта порасна за 7,26 отсто, достигнувајќи цена од приближно 72,98 долари за барел, додека Брент суровата нафта – глобалниот репер – се искачи за 7 проценти, на околу 74,23 долари. Во текот на денот, двата индекса ...

Иранските одмазднички ракетни напади врз Израел предизвикаа потреси во зградите и повредија седум лица во близина на Тел Авив, додека Техеран тврди дека погодил десетици воени цели. Според Ели Бин, директор на израелската служба за итни случаи „Маген Давид Адом“, седум лица се „лесно и умерено повредени“ во напад на границата меѓу Тел Авив и градот Рамат Ган. Поранешниот израелски амбасадор во САД, Мајкл Орен, за Си-Ен-Ен изјави дека зградите ...

Израелскиот министер за одбрана Израел Кац изјави дека Иран вечерва „ги преминал црвените линии“ со лансирањето ракети врз цивилни населени центри и вети дека Техеран „ќе плати многу висока цена“ за своите акции, јави Си-Ен-Ен. Во меѓувреме, израелската полиција соопшти дека остатоци од пресретната иранска муниција паднале во Северниот округ на Израел. Портпаролот на полицијата истакна дека засега нема пријавено повредени, но е регистрирана ...

Рускиот претседател, Владимир Путин, во одвоени телефонски разговори му рекол на иранскиот претседател дека Москва ги осудува акциите на Израел против Техеран и му рекол на израелскиот премиер дека прашањата поврзани со иранската нуклеарна програма може да се решат само дипломатски. Во соопштението за печатот на Кремљ се наведува дека Путин му рекол на иранскиот претседател Масуд Пезешкијан дека Русија „ги осудува акциите на Израел кои ја ...

Генералниот секретар на Обединетите нации, Антонио Гутереш, ги осуди нападите на Израел врз Иран денес, повикувајќи на максимална воздржаност од земјите-членки, додека Ројтерс ги пренесува најавите на дипломатите дека во текот на вечерта ќе се одржи итна седница на Советот за безбедност. Иранскиот министер за надворешни работи, Абас Арагчи, побара итен состанок на Советот за безбедност на ОН, наведувајќи во писмо дека „Израел ја преминал ...

Петок 13 се покажа како среќен ден за Македонски Железници Транспорт. Добрата организација и искуството на вредните мајсторите успеаја да вратат во функција уште една локомотива. Како што најавија пред два месеци, денеска локомотивата 661 410 се врати во сообраќај со нови тркала. -Успешен крај на оваа работна недела. Локомотивата 661 410 се враќа во сообраќај со нови тркала, објавија од Железници Транспорт. Пред точно два месеци, на 13 мај, од ...

Доколку имате здрав и близок однос со вашата мајка, големи се шансите прво да се обратите кај неа кога сте под стрес. Има нешто неверојатно смирувачко во тоа мајката да ви каже дека сè ќе биде во ред. Се покажува дека ова чувство не е само субјективно, туку е и универзално. Без разлика дали разговараме лице в лице или преку телефон, истражувањата покажаа дека само разговорот со мајка ви може значително да го намали нивото на стрес. Во една ...

Навистина ми е драго што сме покрај Заливот на коските, наjпосетуваниот музеј во Македонија којшто од денес ќе е подостапен по еден реконструиран пат. Особено ми е драго што овој пат се реализира. Овој пат е витален за целото крајбрежје, за целиот туризам. Она што ми е особено драго е што се направи еден модерен пат по којшто полесно и побрзо ќе можат да стигаат луѓето кои што живеат на овој дел од езерото, но исто така и туристите да можат ...

Граѓаните на Израел добија предупредувања на своите мобилни телефони поради она што беше опишано како „сериозна закана“. Официјалните институции ги повикаа луѓето да останат блиску до засолништата додека земјата се подготвува за можен голем напад од Иран. Во израелските градови се создаде вистинска атмосфера на опсада – полиците во супермаркетите се празнат, луѓето во паника купуваат вода, конзервирана храна и основни потреби. Премиерот ...