Претседателот на САД, Џо Бајден и неговиот противник, поранешниот претседател Доналд Трамп ќе се сретнат на прва дебата пред претседателските избори во САД, организирана од Си-Ен-Ен на 27 Јуни во Атланта. И двајцата кандидати ја прифатија поканата на медиумот и се согласија да го прифатат форматот на дебатата, а Си-Ен-Ен објави и дополнителни детали за правилата кои беа прифатени. Дебатата ќе трае 90 минути со две паузи за реклами, а персоналот ...

Претседателката Гордана Сиљановска Давкова присуствува на Самитот за мир во Украина, што се одржува во Бургеншток, на езерото Луцерн во Швајцарија. Таа денеска ќе се обрати на пленарната сесија, пред која изјави дека една од најважните пораки што треба да се упатат е дека кон војната во Украина треба да се однесуваме не како кон украински проблем, туку како европски и светски проблем. „Неподелени беа мислењата дека дијалогот е здрава работа, ...

Генералниот секретар на НАТО Јенс Столтенберг за „Телеграф“ изјави дека во алијансата се преговара за распоредување на повеќе нуклеарни оружја, како одговор на заканите на Русија и Кина за распоредување на нуклеарни оружја. „Има директни консултации помеѓу членките на НАТО за вадење проектили од складишта и за нивно ставање во состојба на готовност. Не би навлегувал во детали колку нуклеарни проектили би требало да бидат оперативни, а колку во ...

Дезинформациите предизвикаат големи негативни последици, фалсификувајќи ги перцепциите на многу луѓе. Во последните месеци пред изборите, беше откриен растечкиот притисок на дезинформациите на многу различни теми – од војната во Украина до мигрантите, од климатските промени до пандемијата, пишува Вистиномер. Текстот го пренесуваме интегрално: Европската мрежа за борба против дезинформации ЕДМО, во која се вклучени 36 организации, оценува дека ...

Најмалку 550 аџии починаа за време на овогодишниот аџилак во Мека, каде температурите се качиле и до 50 степени, пренесува Гардијан. Во споредба, претходната години биле регистрирани 240 починати лица. Од загинатите, 60 лица биле од Јордан, а 323 од Египет. Сите лица од Египет починале поради прекумерните температури, со исклучок на еден, кој загинал откако се здобил со сериозни повреди при масовните гужви кои се створиле околу светото место. ...

Рускиот претседател Владимир Путин пристигна во Северна Кореја во официјална посета на земјата. Ким Џонг Ун, лидерот на Северна Кореја, му посака добредојде на рускиот лидер, кој беше пречекан со севернокорејски и руски знамиња, како и толпа од стотици посетители, пренесува Гардијан. Двајцата лидери потпишаа договор за стратешка соработка меѓу двете земји. Ким изразил и поддршка за „специјалната операција“ на Русија, како што Москва ја нарекува ...

Рускиот претседател Владимир Путин пристигна во Виетнам, каде ќе се сретне со лидерите на владејачката Комунистичка партија. Со оваа посета, рускиот претседател ја завршува својата кратка тура на официјални посети во Азија, која вчера ја започна со посета во Северна Кореја, пренесува Гардијан. Двете посети беа критикувани од САД, кои сметаат дека со нив се нормализираат руските прекршувања на меѓународниот закон. Според руската новинска агенција ...

Предлог програмата за работа и составот на идната влада предводена од ВМРО-ДПМНЕ е доставена до Собранието, информираше попладнево мандатарот и претседател на партијата, Христијан Мицкоски. Тој очекува истата да биде ставена на дневен ред пред пратениците за време на викендот. „Граѓаните очекуваат брзи резултати. Јасно е дека оваа Влада како и очекувањата на граѓаните се да испорачува она кое што го ветуваше. Не ветувавме многу за време на ...

Не се следи успешноста на пациентите лекувани во странство, а побарувањата за дадени аванси за лекување надвор од земјава нецелосно се евидентирани и не се воспоставени соодветни контроли за потврдување на фактурите од странските болници. Ваквата состојба довела до тужбени барања од странска болница, за кои постои неизвесност за крајниот исход. Ова го утврдил Државниот завод за ревизија во својот извештај за работењето на Фондот за здравствено ...

Континуиран инвестициски циклус во водоводната мрежа е императив во борбата за намалување на загубите на вода од извор до чаша, која согласно податоците за 2023 година на ниво на цела држава во просек изнесува над 60 проценти. Ова го посочи Марко Бислимоски, претседател на Регулаторната комисија за енергетика (РКЕ), која е домаќин на 32 Генерално собрание на регулаторите за вода од Европската Унија – WAREG (European water Regulators). Станува ...

Овогодишното издание на Парадата на гордоста, Скопје Прајд, ќе се одржи в сабота, на 22 јуни, под мотото „Спектакуларно непослушни!“, информира Националната мрежа против хомофобија и трансфобија. Ова е петта по ред Парада на гордоста во македонскиот главен град. Појдовна точка ќе биде паркот „Жена-борец“, каде во 17 часот ќе започне собирањето на учесниците, а во 19 часот ќе започна протестниот марш по скопските улици. Маршот ќе заврши на ...

Вчера на Правниот факултет „Јустинијан Први“ во Скопје се натпреваруваа млади ученици кој е најдобар раскажувач на книги. На натпреварот се оценуваше дикцијата, интонацијата, флуентноста и сценскиот настап на младите ученици. Тие се натпреваруваа во две категории – од 3 до 5 одделение и од 6 до 9 одделение. „Раскажувањето е супермоќ која се развива со читање книги и со соодветна поддршка од возрасните прераснува во ораторска алатка која ги ...

Дури 52 проценти од девојчињата на 15-годишна возраст и 29 отсто од момчињата на иста возраст страдаат од повеќе психосоматски симптоми истовремено, повеќепати неделно. Во 2022 година кај нас над 700 мајки биле девојки на возраст меѓу 15 и 19 години, кој кај нас е три пати поголем од просекот во земјите на ЕУ. Потребни се образовни програми кои ќе одговорат на потребите на младите, а тоа може да се направи само преку соработка и обединување. Ова ...

Излезе играта „Senua’s Saga: Hellblade 2“, изработена од фирмата Ninja Theory. Во играта контролирате женски лик со проблеми со менталното здравје. Сенуа има свое алтер его што ја води низ авантурите како глас што и шепоти, предупредувајќи ја да е претпазлива. Гласовите се алегорија за параноја или психоза. Таа искусува аудиовизуелни халуцинации и се бори со себе и со непријатели. Играта е втор дел на „Hellblade: Senua’s Sacrifice“, која е ...

Спортските терени во некои основни училишта во Куманово се во лоша состојба, без услови, а во неколку училишта има недостаток на простор и спортска опрема. Учениците бараат подобри услови, а со нив се сложуваат и вработените во училиштата. Институциите, пак, никако да најдат решение за овој проблем, пишува Порталб.мк. Грда слика на терен Порталб.мк посети четири основни училишта во градот – две училишта во кои учат ученици Албанци и две училишта ...

Во најновите гејминг вести ви ги прикажуваме трејлерите за новите експанзии на WoW и Diablo 4, како и најновиот трејлер за Black Myth Wukong која моментално е најнарачувана игра на Steam во предпродажба. Wukong е souls игра за која имаме и претходни написи, а излегува на 20 август додека WoW Тhe War Within е најавена дека ќе биде live na 28 август. Првата експанзија за Diablo 4, пак, ќе излезе на 8 октомври годинава. Повелете и погледенете го ...

Новата потпретседателка на Собранието, Весна Бендевска денеска кога ја даваше свечената заклетва, не го кажа уставното име на државата, Република Северна Македонија, туку во два наврата рече „РС Македонија“. Ова е нова верзија на името на државата, откако претседателката Гордана Сиљановска Давкова кога ја даваше заклетвата, рече „Македонија“. За потпретседатели на Собранието денеска беа избрани и Јован Митрески од СДСМ и Антонијо Милошоски од ...

Основното јавно обвинителство Скопје соопшти дека е донесена наредба за спроведување истрага против 31-годишник за кого постои основано сомнение дека сторил кривично дело – разбојништво. Тој, на 4 јуни, влегол во филијала на банка на улицата „Бојмија“ во скопската општина Аеродром и со сериозна закана и употреба на пиштол, загрозувајќи го животот на двајца вработени во банката, одзел 2,6 милиони денари, по што веднаш побегнал од местото. По ...

И светските и македонските медиуми екстензивно известуваа за оваа воена вежба повикувајќи се на изворите што им беа достапни. Дел од македонските медиуми повикувајќи се на Ал Џезира известија дека оваа посета на руската морнарица е во согласност со историските пријателски односи меѓу Куба и Руската Федерација и дека бродовите не носат нуклеарно оружје, пишува Вистиномер. Текстот го објавуваме интегрално: Рецензираме објава на социјалната мрежа ...

Турските медиуми не објавија за ниту еден протест пред конзулатот на Израел во Истанбул по воздушниот напад на Рафах на 26 мај. Новинската агенција Демирен на 27 мај објави дека антиизраелска група извикувала слогани пред американскиот конзулат во јужниот турски град Адана, пишува Вистиномер. Текстот го пренесуваме интегрално: Анализираме објава на Фејсбук која споделува видео од наводен напад врз израелскиот конзулат во Истанбул, ден по ...

Израелската армија продолжи со нападите во Појасот Газа, особено централниот дел на опколената палестинска територија, во време кога нема напредок во преговорите за примирје со екстремистичкиот Хамас и додека расте тензијата на северната граница на Израел со Либан, пренесува агенцијата Франс прес. Во болницата во градот Деир ал Балах во центарот на Газа, луѓето се собраа околу телото на 11-годишното момче кое беше убиено во бомбардирањето на ...

Германската министерка за надворешни работи Аналена Бербок нагласи дека солидарноста на балтичките земји против руските хибридни напади е силна, пренесува германската новинска агенција дпа. „Со својата брутална војна против Украина, Путин ги уништи и мостовите за добрососедски односи со Русија како сосед на Балтичкото Море“, рече Бербок по состанокот на Советот на балтичките морски држави во Порво во близина на Хелсинки. „Мостовите меѓу нас, ...

Основниот кривичен суд Скопје денеска донесе пресуди врз основа на предлог-спогодби со седум лица обвинети како соизвршители на кривично дело – Спречување на службено лице во вршење службено дејствие. Станува збор за инцидентот во М-НАВ, кој се случи на 4 јануари годинава, кога осум лица упаднаа во канцелариите на Македонска навигација на аеродромот во Скопје и нападнаа контролор на летање, а откако Синдикатот на контролорите на летање се „крена ...

Се очекува засилување на конкуренцијата на домашниот пазар на платежни услуги. Народната банка ги издаде првите дозволи за платежни институции, во согласност со новата законска рамка, преку кои граѓаните ќе може да извршуваат плаќања во земјата и прекугранично. Ова го истакна директорот на Дирекцијата за платни системи при Народната банка, Игор Величковски во гостување на „Блумберг Адрија“. Величковски посочи дека една од значајните придобивки ...

Основното јавно обвинителство Куманово донесе наредба за спроведување истрага против 36-годишна жена од Кратово, која е осомничена дека сторила кривично дело убиство. При вршење семејно насилство во четвртокот, на 13 јуни, осомничената со умисла ги лишила од живот својот сопруг и свекор. Како што соопшти обвинителството, по претходна вербална расправија, сопругот физички ја нападнал осомничената, удирајќи ја со тупаници во пределот на главата и ...

Иако француската екстремно десничарска лидерка Марин Ле Пен не е на гласачкото ливче на изборите за Европскиот парламент кои ќе се одржат викендов, таа веројатно ќе се појави како еден од најголеми победници, пренесува Асошиејтед прес. Анкетите прогнозираат дека нејзината партија Национален собир ќе биде најголемата партија со освоени гласови во Франција, повеќе од партијата на претседателот Емануел Макрон. Со тоа, низ цела Европа, ...

Препораките за скрининг на рак на дојка варираат од земја во земја, но тврдењето дека Швајцарија ја забранила мамографијата, а други држави вклучително Канада ја суспендирале процедурата, се невистинити, пишува Вистиномер. Текстот го пренесуваме интегрално: Рецензираме објава на социјалната мрежа Фејсбук во која пишува: ШВАЈЦАРИЈА Е ПРВАТА ЗЕМЈА ВО СВЕТОТ КОЈА ЗАБРАНИ МАМОГРАФИЈА Туристичките услуги беа суспендирани и во делови од Канада, ...

„Украина: Воено злосторство“ е името на изложбата на фотографии која вчера се одржа во Мала станица, во рамки на програмата за работа за 2024 година на Фондациите Отворено општество Западен Балкан. Изложбата е изведена од истоимената книга објавена од FotoEvidence, која вклучува повеќе од 360 фотографии и сведочења, кои фрлаат светло на руската инвазија. „Овие храбри фоторепортери ги ризикуваат своите животи за да ги доловат ужасните вистини на ...

Здружението на новинарите на Македонија (ЗНМ) соопшти дека ќе достави претставка за попречување на работата на новинарката Мери Јордановска од Новинската агенција Мета.мк до Државната изборна комисија (ДИК). Претставката се однесува за непрофесионален однос на претставник на избирачкото место број 2762 во скопската општина Кисела Вода каде Јордановска беше спречена во извршување на својата професионална новинарска работа. И покрај тоа што ...

Здружението на новинарите на Македонија (ЗНМ) го осудува обидот за цензура и ограничување на правото на говор од страна на Бесија Иљази, организациски директор на Клиниката за Токсикологија во Скопје. Според денешната пријава од членови на ЗНМ, на влезот на Клиниката за Токсикологија во Скопје јавно била истакната наредба со која се забранува на вработените да имаат контакти со новинари или медиуми. Во наредбата од 20.05.2024 година, се вели ...