Ѕвездата на Феникс Санс, Кевин Дурант, е добитник на наградата „Меџик Џонсон“ за сезоната 2024-25 во Националната кошаркарска асоцијација (НБА).

Здружението на кошаркарски новинари на Америка ја доделува наградата секоја година на НБА играч кој се истакнува на теренот и покажува „соработка и брилијантност во комуникацијата со медиумите и навивачите“.

Дурант ја освои наградата и во сезоната 2010-11, негова четврта во лигата, со Оклахома Сити Тандер.

Тој станува четвртиот двократен добитник на наградата, придружувајќи им се на Стеф Кари (2016, 2024), Дамијан Лилард (2017, 2020) и Шејн Батие (2007, 2013).

-Навистина сме воодушевени што повторно му оддаваме почит на Кеј Ди. Кевин долго време е една од највнимателните и најпристапните ѕвезди во НБА. Тој секогаш одвојува време за новинарите, без разлика дали е за интервјуа или само за неформален разговор, и никогаш не се откажува од ниту една тема,  изјави претседателот на здружението, Хауард Бек, цитиран од американските медиуми.

Дурант (36) беше избран во својот 15-ти Ол-стар тим во сезоната 2024-25. Тој има просек од 26,6 поени, 6,0 скока и 4,2 асистенции по натпревар.