ЕХФ направи промена на распоредот на Македонија на ЕП

Најдобрата македонска ракометна репрезентација вчера ги дозна ривалите за Европското првенство кое наредната години ќе се одигра од 15 јануари до 1 февруари во Данска, Шведска и Норвешка.

Македонија се најде во Б групата, а тоа значеше дека ќе играме со еден од ко-домаќините на овој голем настан, селекцијата на Данска. Потоа тука е и силната Португалија како и Романија од последниот шешир.

Вчера излезе информација за „возниот ред“ на избраниците на Лазаров на првенството, но ЕХФ во меѓувреме направи една промена.

На стартот дефинитивно ќе играме против Данците и тоа на 16 јануари, но два дена подоцна наместо да се соочиме со Романците ќе излеземе на мегдан со Португалија. На 20 јануари пак во Хернинг ќе го играме последниот дуел од оваа фаза со репрезентацијата на Романија.