• Мартин Танасковски
Фудбалскиот клуб Радомље објави дека постигна договор со 48-годишниот македонски стручњак Југослав Тренчовски, кој од денес е нов шеф на стручниот штаб на првиот тим.
Тренчовски, искусен тренер со богата кариера во Македонија и надвор од неа, доаѓа во клубот со јасна визија и силен фокус на развојот на млади играчи – целосно во склад со стратегијата на Радомље.
„Го следам Радомље веќе три години. Ми е познат проектот и знам што сака клубот да постигне. Тие сакаат да вклучат млади фудбалери, да ги развиваат и да им помогнат да напредуваат во своите кариери,“ изјави Тренчовски при неговото официјално претставување.
Со овој ангажман, Радомље добива стручњак кој го споделува истото фудбалско мото – континуирана работа, развој на млади играчи и резултати на теренот. Клубот верува дека со Тренчовски на клупата ќе се продолжи позитивниот тренд и ќе се остварат целите за претстојната сезона.
