ПСЖ доби екстра одмор од федерацијата, Луис Енрике се пожали дека имал досаден викенд

ПСЖ добива максимална поддршка од Француската фудбалска федерација и Лига 1 во обидот да стигне што подалеку во Лигата на шампионите, па доби можност за одигрување на дуелот со Нант во друг термин.

Францускиот првак викендов требаше да се сретне со „канаринците“, но наместо тоа доби слободен викенд и можност стручниот штаб и фудбалерите да се фокусираат на реваншот од четвртфиналето со Астон Вила.

Факт е дека ПСЖ ќе влезе поодморен на дуелот со премиерлигашот, но Усман Дембеле и тренерот Луис Енрике признале дека не се навикнати на вакви ситуации, па им било малку досадно за време на викендот.

– Одморот веројатно ќе има позитивен ефект, но да бидам искрен викендов ми беше малку досадно, – рекол Дембеле.

– Усман кажа дека му било досадно? И јас се чувствував така, – дополнил расположениот Луис Енрике.