Независниот синдикат на здравствените работници најавува протест

Ќе има протести доколку платите на здравствените работници не се усогласат со минималната плата, најави Независниот синдикат на здравствени работници, административен технички персонал и технички персонал.

Планот е протестот да се одвива за време на паузи, а здравствените установи да бидат затворени по три часа во текот на денот кога ќе примаат само итни случаи, рече на денешната прес-конференција националниот координатор на Независниот синдикат Боби Бојчевски.

Што од ова ќе биде спроведено, зависи како ќе се договорат претставниците на синдикалната организација овие денови.