Женската ракометна репрезентација на Македонија остана без пласман на Светското првенство, откако меѓународната ракометна федерација ИХФ се одлучи последното место да и го додели на хрватските ракометарки.
Македонија не се пласираше на Мундијалот низ квалификациите, но поднесе бараање за вајлд-карта заедно со Хрватска, Словенија и Литванија од Европа. Како што додава ИХФ, нема посебни критериуми за доделување. Наместо тоа, тие земаат предвид голем број фактори, вклучувајќи го општиот развој и популарноста на ракометот во земјата кандидат, неодамнешните спортски достигнувања и потенцијалното влијание на учеството врз глобалниот развој на спортот.
Претходно ИХФ и додели вајлд-карта и на репрезентацијата на Кина.
Со ова доделување на вајлд-карта, познати се сите земји учеснички на идното Светско првенство, кое се одржува во Германија и Холандија од 26 ноември до 14 декември.
Учесници на СП:
ЕВРОПА : Австрија, Хрватска, Чешка, Данска, Фарски Острови, Франција, Германија, Унгарија, Исланд, Црна Гора, Холандија, Норвешка, Полска, Романија, Србија, Шпанија, Шведска, Швајцарија.
АФРИКА : Ангола, Египет, Сенегал, Тунис.
АЗИЈА : Иран, Јапонија, Казахстан, Кина, Јужна Кореја.
ЈУЖНА И ЦЕНТРАЛНА АМЕРИКА : Аргентина, Бразил, Парагвај, Уругвај.
СЕВЕРНА АМЕРИКА И КАРИБИТЕ : Куба.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
