Мишковиќ: Подобар тим сме од Работнички, но тоа…

Денеска започнува плејофот во најдобрата кошаркарска лига во Македонија, а првиот меч е оној во Скопје каде Работнички е домаќин на Пелистер.

Работнички двапати го доби битолскиот тим во регуларниот дел, но без разлика на тоа во клубот од Битола се убедени дека се поквалитетен состав и дека тоа ќе го потврдат уште од денеска во салата „Независна Македонија“ во Кисела Вода.

-Паузата пред стартот на плејофот беше навистина долга, па имавме и повеќе од доволно време за да се подготвиме. Веруваме во себе, во своите квалитети. Работнички има свои слабости, нешто што ние ќе настојуваме да го искористиме.

-Беше исклучително тешко да го играме тој меч без класичен центар во тимот. Сторивме се, но не успеавме да славиме, верувам дека овојпат ситуацијата ќе биде поинаква, се е поразлично кога имате квалитетен висок играч во ротациата. Јас сум оптимист, верувам дека сме подобар тим од Работнички, дека сме покомплетен тим од противникот, но јасно ни е дека тоа мораме да го потврдиме и на терен, -порача Никола Мишковиќ.