Името на новиот папа ќе биде познато за околу еден час, по вообичаената процедура како подготовка за неговото појавување во централната ложа на балконот на базиликата „Свети Петар“.
Постапката е дека новоизбраниот папа го прифаќа изборот и папскиот престол, објавува кое папско име го избира, влегува во „собата на солзите“, сакристијата на Систинската капела, а потоа се пресоблекува во папска облека. Потоа кардиналот протоѓакон Доминик Мамберти, префект на Врховниот апостолски суд, се појавува во централната ложа на базиликата „Свети Петар“ и му објавува на светот „Habemus Papam“, „Имаме Папа“.
Само тогаш светот ќе го види лицето на новиот папа, кој беше избран од кардиналите по „сугестија на Светиот Дух“ и кој потоа ќе го благослови градот и целиот свет со „Urbi et Orbi“.
