Вилата на Цеца Ражнатовиќ во Дедиње е најпознатиот имот меѓу познатите личности во Србија, а таа ја уредила по свој вкус.
Имотот на пејачката има дури 2.000 квадратни метри, неколку ката и лифт. Сè е од мермер, додека оградата е направена од бакар.
Иако јавноста нема можност да го види ентериерот, некои делови од ентериерот испливаа на површина во моментите кога Цеца објавува слики од разни семејни прослави. Освен што куќата има бројни соби и бањи, има и голем спа-центар, како и приватен фризерски салон, што досега не беше познато.
Инаку, лифтот што го има во вилата води директно до апартманот на Цеца и огромната дневна соба што музичката ѕвезда ја уредила по свој вкус.
Пејачката објави видео на своите социјални мрежи на кое се подготвува за концерт, а во еден момент снимателот ја праша:
– Дали луѓето знаат дека сме во твојто салон?
– Не знам дали знаат, но ќе дознаат – рече пејачката низ смеа.
Овој личен салон за убавина се наоѓа веднаш до базенот што го поседува Цеца во вилата на Дедиње.
