Кошаркарите на Кожув ја спасија првата меч топка на МКК Куманово во четвртфиналето во Првата лига, откако вечерва во трилер меч по продолженија на домашен терен славеа со 90-86.
Првиот период помина во израмнета игра на двете страни, па по десет минути игра резултатот на семафорот изнесуваше 17-17. Гостите беа за нијанса подобри во втората четвртина, па на полувреме заминаа со позитива од пет поени 38-43.
Во второто полувреме домаќините успеаја да ја надокнадат негативата и да израмнат на 76-76 и да го одведат мечот во продолженија.
Таму домаќините беа подобри за конечен триумф од 90-86. Карен Вилсон со 24 поени, 13 асистенции и осум скока беше најдобар поединец кај победникот, додека кај поразените Урош Луковиќ заврши со 26 поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
