Вардар и Струга ќе се борат за трофејот во Купот на Македонија

Тоа што можеше да се насети од првите полуфинални Куп пресметки, ова попладне доби само своја потврда, па така Вардар и Струга ќе ги одмерат силите во големото финале кое ќе го одреди новиот побендик во најмасовното фудбалско натпреварување во нашата земја.

Вардар без поголеми проблеми ја одбрани предноста од 3:0 која ја стекна на првиот натпревар и попладнево без преголемо форсирање си замина со поволен резултат, без оглед на тоа што Брера Струмица поведе со 1:0.

Погодокот на Јанкулоски за момент ја разбуди страста меѓу домаќините за можен пресврт, но истата беше згасната од Талевски кој погоди во првата фаза од вториот дел за конечни 1:1.

Противник на Вардар во големото финале кое ќе се одигра на 21-ви мај ќе биде екипата на Струга, која по победата над Шкендија со 1:2 во Тетово, денеска одигра 1:1 на домашен терен.

Укпа уште во 20-та минута најави дека Струга не планира да си го загрози својот билет за завршниот натпревар, а Шкендија успеа да израмни дури во судиското продолжение за конечни 1:1.