Немања Гудељ ѝ купи на Анастасија Ражнатовиќ часовник од чисто злато од ограничена серија за нејзиниот роденден, за кој платил цело богатство.
Српскиот фудбалер Немања Гудељ (33) на сопругата Анастасија Ражнатовиќ ѝ подарил часовник од 100.000 евра, дознава српски „Информер“! Ќерката на српската фолк пејачка Светлана Цеца Ражнатовиќ наполни 27 години пред два дена, а нејзиниот сопруг се потруди тој ден да ѝ биде незаборавен. Иако нејзината мајка и остатокот од семејството не можеа да бидат со неа поради деловни обврски, Немања даде сè од себе Анастасија да не биде тажна, туку денот кога се родила да биде исполнет со среќа, љубов и радост.
Како што наведува извор близок до брачната двојка, фудбалерот направил посебно изненадување за својата сакана во вилата во Севиља во која неодамна се вселија, што ја оставило Анастасија без здив.
– Од почетокот на нивната врска, а подоцна и во бракот, Анастасија беше третирана од нејзиниот избраник како вистинска принцеза и не постои нешто што ѝ недостига. Нејзиниот сопруг е тука за да ѝ угоди и да ѝ го оствари сè што таа ќе замисли. Така е секој ден, а особено на нејзиниот роденден. Иако не сакаше метеж и помпезна прослава, Немања не сакаше тој ден да помине без некакво изненадување. Напротив, тој се потрудил секој детаљ да го доведе до перфекција и уште еднаш да ѝ покаже на сопругата колку ја сака. Бидејќи знае колку Анастасија ужива во мали нешта, прво ја украсил спалната соба со балони во облик на срце, ја нарачал нејзината омилена торта, која била посебно декорирана, а сето тоа го зачинил со романтична вечера за двајца – открива добро информиран извор и додава дека изненадувањата не завршиле тука:
– Иако знае дека на Анастасија ѝ е најважна љубовта, Немања не сакаше да застане тука. Долго размислуваше што може да ѝ подари… Во оптек беа стан, автомобил и комплет накит што таа го обожава, па на крајот се одлучи за часовник. И тоа не кој било. Бидејќи сака само најдоброто за својата сопруга, Немања ѝ подари часовник „Филип Патек“, за кој плати 100.000 евра – изјави добро информиран извор за „Информер“.
Како што додава изворот, Немања се консултирал со продавачите на овие луксузни часовници за моделот, но и со блиските пријателки на Анастасија.
– Тоа е еден од најновите модели од женската ограничена колекција. Анастасија веќе долго време го меркаше, а бидејќи Немања тоа го знаеше, ниту во еден момент не се двоумеше. Тоа е примерок од чисто злато од ограничена серија што можат да си го дозволат само оние со длабок џеб. Часовникот е целосно заштитен и спакуван во посебна кутија со името на брендот напишано на неа – вели изворот и открива како Анастасија реагирала на изненадувањето што ѝ го приредил нејзиниот сопруг.
– Анастасија остана без здив кога ја виде кутијата, а особено беше воодушевена кога ја отвори. Таа беше пресреќна бидејќи тоа беше токму моделот што го сакаше. Гордо го стави на раката и му се заблагодари на сопругот што точно знае што сака и што ја прави да се чувствува среќна и сакана во секое време. Таа е среќна што го одбрала вистинскиот маж – рекол изворот на крајот.
