КОЧОСКА ЗА КАВГАТА СО ПЕТРОВСКА: Оставете на времето, за многу скоро ќе ви биде јасно зошто се случуваа сите овие работи
Објавено во: Македонија 06 Март, 2025 15:39
Наскоро ќе ви биде јасно зошто се случуваа овие работи, вели министерката за економија, Гордана Димитриеска-Кочоска за вербалниот судир со пратеничката од СДСМ, Славјанка Петровска во Собранието.
Таа денеска уште еднаш повтори дека за неа веќе е затворено прашањето поврзано со Петровска во Собранието минатиот четврток, но и дека наскоро на сите ќе им биде јасно зошто се случувало тоа.
„Жалам што имаше таков дефокус во однос на тоа што јас го кажав од говороницата и како беше интерпретирано. Неколку пати повикав на тоа луѓето да ја ислушаат целата комуникација во Собранието и самите да носат заклучоци“, рече Димитриеска-Кочоска.
Вели би се извинила ако згрешила, но воопшто немало таква намера, да навреди, туку говорела за трошоците за живот.
„Оставете на времето, за многу скоро ќе ви биде јасно зошто се случуваа сите овие работи“, вели Димитриеска-Кочоска.
Инаку, СДСМ бараа извинување, но и оставка од министерката. Таа на седница ја праша Петровска со кое право ги става во уста мајките и како знае колку троши едно семејство кога нема деца. Петровска рече дека со овој говор, министерката сакала да ја омаловажи, но таа не ја примила навредата. Петровска кажа дека ќе се жали за дискриминацијата до соодветната комисија. За однесување на министерката имаше серија осуди.
Можеби ќе ве интересира
„ПРЕД ИСТЕКОТ НА РОКОТ, ЈА ЗАВРШИВМЕ САНАЦИЈАТА НА ТУНЕЛИТЕ ДЕМИР КАПИЈА 1 И 2“: Трајановски се пофали
„СО НАШИ ПАРИ ШЕТА И УЖИВА ПО БОСФОР“: ВМРО со остра реакција за патувањето на Јахоски
„МНОГУ СКОРО ЈАВНОСТА ЌЕ ДОЗНАЕ И НЕКОИ ДРУГИ ДЕТАЛИ“: Мицкоски за тоа дали Данела е соработник на ДУИ за дестабилизација
Бугарски и грчки европратеници со 300 амандмани против „македонски јазик и идентитет“
Плата и денес нема, протест пред тетовската болница
ГЕРАСИМОВСКИ СО ИНИЦИЈАТИВА ЗА ОДЗЕМАЊЕ НА ИНГЕРЕНЦИИТЕ НА КОМУНАЛНА ХИГИЕНА: „Подготвуваме неколку ригорозни мерки до Комуналното претпријатие“
„ЈАВНО ЌЕ ОБЈАВАМ СЀ“: „Секој граѓанин ќе види што се правело“, вели Арсовска
ЌЕ ИМА СО ШТО ДА ГАСИМЕ: Еден „Ер трактор“ вратен од сервис
„БАРБИ МЕСТО ДА ИЗИГРАВА ИНСПЕКТОР КЛУЗО, МОЖЕШЕ СО ТППЕ ДА ТРКНАТ ДО АРАЧИНОВО, ИЛИ САРАЈ И АРАЧИНОВО НЕ СЕ ТАРГЕТ,А?“ Михаилов за утринското загадување во Скопје
