• Мартин Танасковски
Италијанскиот тенисер Лоренцо Мусети патува во полуфиналето на Ролан Гарос, со победа над Франсис Тиафо во меч со четири сета.
Дуелот во Париз понуди драма, а заврши со победа од 6-2, 4-6, 7-5, 6-2 на Италијанецот. Вкупно мечот траеше скоро три часа, а го одбележа и еден контроверзен момент кој предизвика полемики.
Имено, за време на текот на вториот сет, изнервиран од малку полошата игра, Мусети ја шутна топката, а таа го погоди рамото на линискиот судија. Тенисерот доби опомена за своето однесување, а многумина имаат дилема, дали Италијанецот требало да биде дисквалификуван за овој потег.
¿Musetti merecía descalificación?pic.twitter.com/YTpyT2OCjD
— Tiempo De Tenis (@Tiempodetenis1) June 3, 2025
Во полуфиналето на Ролан Гарос, Мусети ќе игра со Пол или Алкараз.
ФОТО/PHOTO: Roland Garros/Twitter/X
