Според добиените информации, пукањето се случи за време на неделната богослужба кога две маскирани лица отвориле оган во дворот на црквата.
„За време на пукањето, во црквата владееше голема паника. Во областа се испратени многу полициски и медицински тимови. Напаѓачите побегнаа од местото на злосторството пеш“, пишува „Џумхуриет“.
TURKEY
— Catholic Arena (@CatholicArena) January 28, 2024
Terrorists wearing masks and carrying guns stormed Santa Maria Catholic Church in Sarıyer, Istanbul and opened fire.
At least two people have died and many more are injured. pic.twitter.com/LJ6zVldhXA
За нападот зборуваше и турскиот министер за внатрешни работи Али Јерликаја.
„Околу 11:40 часот во кругот на црквата Санта Марија, две лица ги нападнаа верниците во црквата. Тие носеа фантомки. Едно лице за жал почина. Започна енергична истрага за ова прашање. Најостро го осудуваме овој подол напад. Потрагата по напаѓачите е во тек“, потенцираше министерот.
Нападот е осуден и од градоначалникот на Истанбул, Екрем Имамоглу.
„Го осудувам вооружениот напад за време на неделната богослужба во црквата Света Марија. Посакувам Божја милост за човекот кој го загуби животот и брзо закрепнување на повредените. Никогаш нема да дозволиме да го уништат нашето единство и мир“, потенцираше градоначалникот на Истанбул.
