Други спортови
Младата олимпијка со шокантен потег на ОИ во Париз
Младата парагвајска пливачка Луана Алонсо го шокираше светот со одлуката по неуспехот на Олимпијадата во Париз, која беше отворена во петокот. Алонсо во саботата пливаше 100 метри делфин, а откако не се пласираше во полуфиналето реши да стави крај на кариерата!
Младата Луана има само 20 години и неуспехот очигледно многу ја погодил, а колку и значел настапот во Париз докажува и фактот што на десната нога го истетовирала симболот на Олимписките игри. Парагвајката целосно потфрли во квалификациите и на 100 метри делфин стил исплива само со време 1:03.09, а не беше ни блиску до најбрзите 16 пливачи кои се пласираа во полуфиналето. “Сега е официјално! Се повлекувам од пливање, многу ви благодарам на сите за поддршката! Извини Парагвај, само треба да ви се заблагодарам!”
