Бред Пит уште еднаш докажа дека со текот на времето има само се повеќе стил, шарм и дека сепак е многу лесно сите погледи да бидат вперени во него.
Познатиот холивудски актер беше во Мексико за да го промовира својот нов филм Ф1, во кој ја толкува улогата на поранешен Формула 1 возач кој се враќа на патеката. На настанот секако беше целата филмска екипа, но најголемо внимание привлече 61-годишниот Бред.
Носеше елегантно и совршено скроено виолетово одело, кое му прилегаше како ракавица. Заедно со класичните прави линии, деталите како свилено марамче во сличен тон и лежерна бела маичка наместо кошула го покажаа неговиот препознатлив спој на софистицираност и опуштеност.
Виолетовата боја, боја која често симболизира луксуз, духовност и самодоверба, на Пит изгледа природно и ненаметливо, како да е создадена само за него, иако дефинитивно не е бојата што прво би ни паднала на ум кога ќе го спомнеме. Опуштен, насмеан и со кратка фризура, Бред уште еднаш покажа дека стилот и харизмата не бледнеат, напротив.
Претходно тој ден во Мексико се појави и во розов костум, а тој моден избор воодушеви и многумина бидејќи знаеме дека модните граници одамна престанаа да бидат важни, но кога Бред Пит тоа го покажува толку самоуверено, задоволството е уште поголемо.
Некои би рекле дека Бред не мора ни да се труди, само треба да се појави, во било што, но кога станува збор за ваков моден хит, впечатокот е уште подобар.