Каратисти на „Макпетрол“ ќе се натпреваруваат на Светската Премиер-лига во Мароко
Објавено во: Мои пари 28 Мај, 2025 15:54
Рабат, главниот град на Мароко, ќе биде домаќин на четвртиот турнир од Светската 1 премиер-лига, а на него ќе учествуваат двајца членови на „Макпетрол“. Македонија ќе ја претставуваат репрезентативците Петар Спасеновски (-84 кг.) и Стефан Стојановиќ (+84 кг). Двајцата македонски каратисти се стандардни сениорски репрезентативци и моментно се најдобро рангирани на глобалната ранг-листа. Зад себе тие имаат повеќе европски и светски медали.
Каратистите на „Макпетрол“ се единствените што обезбедија норма да бидат учесници на најсилната светска карате лига. Тие се меѓу најдобрите Топ-32 каратисти на ранг-листата на ВКФ (Светската карате федерација). Ова е главен критериум и предуслов за учество на Карате 1 Премиер лигата во Рабат, Мароко. Со најдобрите македонски каратисти и на овој светски натпревар ќе биде тренерот на „Макпетрол“, Петар Заборски. Поради повреда што ја санира, тој нема да учествува на завршниот турнир од лига-натпреварите за оваа година.
Натпреварите почнуваат во петок, 30 мај, а завршуваат в недела, на први јуни. На Премиер-лигата настапуваат Топ-32 најдобри натпреварувачи во светот во секоја тежинска категорија. Во елиминацискиот дел секој спортист има три задолжителни борби во својата група. Потоа само прворангираниот ги продолжува борбите во четвртфиналето. Светската 1 Премиер карате лига е највисоко рангиран натпревар со најквалитетна конкуренција на каратисти. Во Мароко ќе учествуваат вкупно 373 елитни спортисти од 63 држави.
Можеби ќе ве интересира
АСОМ: Итно стопирање на законот за игри на среќа – 10.000 луѓе остануваат без работа
Пазарите се активни и покрај ефектот од летните одмори
FLEX CREDIT го зацврстува лидерството со рекордни резултати и 65 филијали низ Македонија
Ново од Грекос: Грчки тип на јогурт со висок протеин, а само 1,5% масти
НЕПТУН СО НОВА ПОНУДА: Купи веднаш, плати подоцна – до 48 рати и 3 месеци грејс период
АПИС АПЕЛИРА ДО ВЛАДАТА ДА НЕ ГО ПРЕДЛАГА НОВИОТ ЗАКОН ЗА ИГРИ НА СРЕЌА ВО СОБРАНИЕ: „ПРЕДИЗБОРНАТА РЕТОРИКА ЌЕ ЈА ЗАГРОЗИ ОДРЖЛИВОСТА НА РЕГУЛАТИВАТА!“
Стан во центар или куќа за бегство од градот – инвестирајте во трајна вредност
НЛБ Банка: По пристапувањето во СЕПА, достапни, разумни и одржливи меѓународни трансакции
ТИТАН УСЈЕ прва компанија со Платиниум сертификат за системот Нула отпад на депонија
