Службата за општи и заеднички работи на Владата за речиси 8,3 милиони денари набавува риба, месо и сувомеснати производи.

На веб-страницата за јавни набавки денеска се објавени двата договори кои СОЗР ги склучило со две компании, а кои треба да им набават на функционерите риби, ракчиња, шкампи, моркси плодови, џигери, месо и слично, секако на државна сметка.

СОЗР набавува чаден лосос, обичен лосос, пастрмка, калифорниска пастрмка, школки, лигни, шкампи, ракчиња, микс морски плодови, јунешко место, пилешко месо, мисиркино месо, чајна, пршута, кременадли, ребра, шкембе, џигер и слично.

Колку и што набавуваат видете во продолжение:

Ова не е прво гоштевање на функционерите на државна сметка. Инфомакс претходно објави дека функционерите преку државните институции потрошиле 1,4 милиони денари во еден скопски кафич.