Невреме проследено со силен ветер и грмотевици и дожд го зафати Скопје и околината.
Од Управата за хидрометеоролошки работи (УХМР) предупредуваат дека врз Македонија се движи нестабилна воздушна маса, особено над западниот и централниот дел на земјата.
Радарската слика покажува интензивна атмосферска активност, со присуство на силни врнежи, грмежи и можна појава на град.
Граѓаните се повикуваат на претпазливост, особено при движење на отворено и во близина на дрвја, билборди и слични конструкции.