Нико Розберг го осуди инцидентот што го предизвика Макс Ферстапен со Џорџ Расел во финишот на трката за Големата награда на Шпанија. Поранешниот светски првак смета дека казната е блага и дека Холанѓанецот заслужил дисквалификација.

Последните кругови од Големата награда на Шпанија донесоа голем инцидент помеѓу Макс Ферстапен и Џорџ Расел, што предизвика бројни реакции во светот на Ф1.

Еден од најгласните беше поранешниот шампион Нико Розберг, кој остро го осуди однесувањето на Холанѓанецот.

Розберг смета дека Ферстапен требало да биде дисквалификуван, а не само казнет со десет секунди.

„Ужасно е. За потегот мораше да му биде покажано црно знаме, нема друго решение“, рече Розберг во емисија на „Скај Спортс“.

Според него, Ферстапен првично бил во право, но Ред Бул го принудил да направи потег што довел до хаос.

За потсетување, по рестартот на трката, на шест круга пред крајот, Ферстапен излета од патеката во првата кривина, ја загуби посцијата од Леклер, но ја пресече потоа шиканата и излезе пред Расел.

Поради ова, тој доби наредба од боксот да го пропушти возачот на Мерцедес, што го изнервира.

Ферстапен забави во петтата кривина за да ја врати позицијата, но потоа одеднаш забрза и се случи контакт.

Во 11-та кривина, конечно го пропушти Расел, но ФИА сепак одлучи дека тој е виновен и му додели казна од десет секунди.

Казната го спушти од петтото на десеттото место.

Фудбалерот на ПСЖ, Усман Дембеле, е прогласен за играч на сезоната во Лигата на шампионите, објави УЕФА, ден по победата на ПСЖ над Интер Милан со 5:0 во финалето во Минхен.

Во тековната сезона, Дембеле постигна 33 гола и регистрираше 15 асистенции во сите натпреварувања.

„Би му ја дал Златната топка на Усман Дембеле, само поради начинот на кој игра во одбраната. Тоа е вистинска скромност. Искрено верувам дека ја заслужува таа награда не само поради неговите голови, туку и поради неговата дефанзивна игра“, рече тренерот на ПСЖ, Луис Енрике.

Меѓу останатите фаворити за Златната топка се Ламин Јамал, Рафиња и Џанлуиџи Донарума.

УЕФА, исто така, го именуваше Дезире Дуе за млад играч на годината во Лигата на шампионите за 2024/25 година. Дуе, во вториник ќе наполни 20 години, во финалето постигна два гола и забележа една асистенција.

Дембеле, Дуе и уште пет играчи на ПСЖ беа вклучени во идеалниот тим на сезоната во Лигата на шампионите, избран од техничкиот панел на УЕФА. Меѓу нив се и: Маркињос (капитен), Џанлуиџи Донарума, Нуно Мендес, Ашраф Хакими и Витиња.

Покрај нив, во идеалниот состав се наоѓаат двајца играчи на Барселона, Ламин Јамал и Рафиња, играчот на Арсенал, Деклан Рајс, како и играчот на Интер, Алесандро Бастони.

Ракометарите на Вардар 17. пат во клупската историја го освоија трофејот во Купот на Македонија. Во финалето на заврпниот турнир во Охрид, Вардар го победи Еурофарм Пелистер со 31:27 (17:14). Вардар четврти пат по ред го победија Пелистер во борбата за трофејот. Пелистер нема трофеј во Купот цели 20 години.

Дуелот во Охрид го реши одбраната на Врадар и голманот Еспиња, кој блесна во втората половина од второто полувреме. Бековите на Пелситер беа запрени во целост, половина од головите за зелените ги постигнаа крилата Радивојевиќ (осум) и Манасков (седум).

Пелистерци не добија помош ниту од голманите, е блескаа ниту нивните колеги од спротивната страна, но Еспиња блесна во периодот кога кога Пелистер дојде на негатива од три гола. Португалецот тогаш фати два зицери и одбрани пенали, со што му го трасира патот до титулата на својот тим.

Инаку, Вардар од почетикот наметна силен ритам, по 10 минути играа стекна предност од пет гола (7:2), а Пелистер до крајот не успеа да направи пресврт. Најблиску Ботолчани дојдоа до 7:6, Вардар го одби тој налет, на полувреме замина со три гола позитива.

Во вториот дел Вардар ја одржуваше предноста, во 37.минута ја врати највисоката предност од пет гола, која на крајот рутински ја одржа.