Претседателот на Барселона, Жоан Лапорта, потврди дека е во преговори за нов договор со тренерот на каталонскиот тим, Ханси Флик, објави весникот „Мундо Депортиво“.
„Флик знае дека сакаме да ја продолжиме оваа фаза што е можно подолго, а тој е добар избор за тимот благодарение на неговите професионални и лични квалитети, благодарение на неговото разбирање на филозофијата на клубот. Ханси е тренер кој претпочита да се движи напред година по година и да има опција за уште една сезона“, рече Лапорта.
Барселона го освои Купот на Шпанија и е лидер во пласманот во Примера дивизион, а стигна и до полуфиналето на Лигата на шампионите, каде што ќе се соочи со Интер од Милано.
„Ханси Флик е со нас оваа и следната сезона. Спортскиот менаџмент веќе работи на тоа што треба да се направи во блиска иднина“, рече уште претседателот на Барселона.
Првата средба меѓу Каталонците и Интер е на 30 април во Шпанија.