Бразил година дена се обидува да го ангажира Карло Анчелоти и серијата лоши резултати на Реал Мадрид ја отворија вратата за една ваква зделка.
По елиминацијата во Лигата на шампионите и поразот во финалето на Копа дел Реј, Бразил силно притисна и се веруваше деда Карло Анчелоти наскоро ќе стане нов селектор на „кариоките“.
И кога требаше само Италијанецот да стави потпис на документите, доцна синоќа пропаднаа преговорите во последен момент.
Карло Анчелоти сега се поврзува со богата понуда од Саудиска Арабија, а Бразил бара нов селектор.
Се говори дека „кариоките“ ќе се насочат Жорж Жесус, но искусниот стратег им е прилично лут.
Двете страни изминативе месеци беа во напредни преговори, но Бразил го олади интересот кога дозна дека може да го ангажира Карло Анчелоти.
Па Жорж Жесус не е задоволен што го сметале за втора опција, и ќе треба прилично убедување за тој да прифати да стане нов селектор на Бразил.
