Временска прогноза
Попоски: Продолжува силниот ветер (90 км/ч), врнежи од дожд, а утре снег

Под влијание на голем влажен бран од запад и од северозапад, полека од западните предели на Македонија започнуваат врнежи од дожд, кои во текот на денов и вечерва ќе се прошират во најголем дел од државава. Локално особено во западните предели ќе има услови и за ретка појава на грмежи.
Особено обилни врнежи ќе има во западните предели, каде лоаклно ќе наврне над 40 литри дожд на метар квадратен. Сето ова ќе биде проследено со засилен до силен ветер од јужен и од југозападен, а вечерва и од западен правец (повремено и локално со брзина од над 90 км/час). Апелирам, поради силниот ветер, да се избегнува да ги ставате вашите автомобили во близина на дрвјата.
И во Скопскиот регион во текот на денов ќе започнат врнежи од дожд, проследени со повремено силен ветер од јужен и од југоисточен правец.
Поради продор на многу поладен воздух од север, од претстојната ноќ ќе имаме големо заладување на времето, и ветерот својот правец ќе го промени во северен и во северозападен и повторно повремено ќе биде силен на интензитет и во текот на утрешниот ден (сабота) повремено и локално ќе достигнува брзина од над 75 км/час.
Поради заладувањето, во текот на претстојната ноќ и утре претпладне, на повисоките места и на планините врнежите од дожд ќе преминат во врнежи од снег и ќе се формира снежна покривка. Повремен снег во текот на ноќта и утре претпладне ќе има и во пониските места (градовите) во северните и во западните предели од Македонија.
Што се однесува до температурите, тие денес ќе се искачуваат во интервалот од 6 до 14 степени, додека до утре (сабота) наутро значително ќе опаднат и ќе се спуштаат во интервалот од -5 до 2 степени. Многу постудено преку ден ќе остане и утре (сабота) кога максималната температура ќе се искачува во интервалот само од 1 до 10 степени во најтоплите предели од државава.
Да напоменам дека во Скопскиот регион провејување на снег ќе има на околните планини и во повисоките предели од котлината, и тоа во текот на претстојната ноќ и утре (сабота) наутро, кога не се исклучува можноста по некоја снегулка да провее и во пониските предели од котлината.
Поради разведрувањето, во недела наутро ќе биде многу студено со умерени до јаки мразеви, и тогаш температурите ќе се спуштаат во интервалот од -10 до -1 степен, додека на високите и планинските места тие се очекува да се спуштат и под -10 степени, предмалку информираше Славчо Попоски
Временска прогноза
Од ноќеска брз продор на засилен ладен ветер, кој создава дополнителен проблем со пожарите

Вечерва, во текот на претстојната ноќ, и утре (четврток 10 јули) во текот на целиот ден, и тоа поради брз продор на ладен воздух од северозапад кај нас во Македонија ќе дува засилен, повремено силен ветер од северен правец (повремено и локално со брзина од над 60 км/час). Најсилен ветерот ќе биде во Повардарието.
И во Скопскиот регион повремено ќе дува силен ветер од северен правец (во делови од котлината повремено со брзина од над 60 км/час).
Што се однесува до температурите, тие до утре (четврток 10 јули) наутро ќе опаднат дури и за околу 15 степени во споредба од оние кои ги имавме до сега и тие до утре наутро ќе се спуштаат во интервалот од 7 до 18 степени во најтоплите предели од нашата Македонија, односно во Повардарието.
Во Скопскиот регион до утре наутро температурата ќе се спушти до околу 15 степени.
Максималните дневни темпратури пак утре ќе се искачуваат во интервалот од 23 до 30 степени, во Скопје до околу 28 степени.
– Попоски апелира, во случај на појава на силен ветер, граѓаните да бидат внимателни каде и како се движат, поради тоа што силниот ветер можно е да создава и проблеми, истакна метеорологот.
Временска прогноза
Пред нас ладен бран на Балканот, на Алпите веќе е опснежено!

Ладниот бран кој со денови се нјајавуваше од моја страна, но и од страна на метеоролозите во регионот, но и од Европските метеоролози, од северозапад, преку алпскиот регион, пристигна и на Балканот, условувајќи нагло заладување на времето, силно невреме на многу места, поројни поплави и бурен ветер кој направи многу штети, а невремето во Белград предизвика да бидат повредени и повеќе од 20 луѓе.
Европските алпи се покриени со снег среде јули.
Снегот пристигна и на Балканот, односно на високите планини во Словенија, па така снежна покривка се формираше на Кредарица, висока планина во Словенија, рано утрово информираше Славчо Попоски
Временска прогноза
Преку ден „пекол“, од ноќеска заладување со локален дожд, ова се метео информациите

Многу топлиот бран од југ, односно од Африка продолжува и денес (недела 6 јули) во Република Македонија. Сепак, во попладневните и во раните вечерни часови, и тоа поради продор на поладен воздух од север на висина очекувам локално дестабилизирање на атмосферата кај нас, и тоа особено во планинските предели.
Во ваква ситуација, очекуваме локален развој на конвективни грмотевични облачни јадра од кои ќе има појава на пороен дожд, грмежи и засилен ветер.
Локално, како што погоре најавив, особено во планинските предели очекувам поинтензивни атмосферски процеси, во форма на невреме со пороен дожд, силен ветер (над 60 км/час) силни електрични празнења и со појава на покрупен град.
– И во Скопскиот регион ќе има услови за локална краткотрајна нестабилност со пороен дожд, грмежи и силен ветер.
Апелирам на голема внимателност, и тоа во случај на појава на невреме и на силни електрични празнења, односно да не се претстојува на отворен простор и под осамени дрвја.
Исто така, во случај на појава на силен ветер граѓаните да ги заштитат своите автомобили, односно да не ги ставаат во близина дрвјата, особено оние дрвја кои се осамени.
Што се однесува до температурите, тие и понатаму насекаде ќе надминуваат 30 степени, а во Повардарието тие ќе надминат и 40 степени. Во Скопје и околината температурата ќе се искачи до околу 40 степени, или пак ќе надмине 40 степени, истакна Славчо Попоски
-
Кичево18 часа
Албански државјанин на кичевската полиција им понудил пари, бил експресно лишен од слобода!
-
Кичево2 дена
ТППЕ Кичево и денес интервенираа на опожарена куќа и плевна
-
Кичево10 часа
(ВИДЕО) Денес во Кичево се одржа #11 мото-парада во чест на именденот на кичевската православна црква „Св.Петар и Павле“ – Вечна традиција!
-
Хороскоп1 ден
Хороскоп за сабота (12 јули)
-
Култура22 часа
Денес е голем празник „Петровден“, утре „Павловден“ – ова се народните верувања за празниците, за многу години!
-
Култура2 дена
Кичевската парохија истакна известување за Хиротонијата на идниот високопреосвештен Митрополит дебарско-кичевски г. Георгиј
-
Хороскоп9 часа
Хороскоп за недела (13 јули)
-
Македонија2 дена
Лишен од слобода старец од тетовско, на нива запалил сува трева и отпадоци