Капело предвидува: Полуфиналето меѓу Интер и Барса ќе се решава на еден дел од теренот

Фабио Капело ја напиша својата стандардна колумна за „Газета дело Спорт“ по комплетираната четвртфинална рунда во Лигата на шампиони, а со оглед на тоа што Интер е единствен италијански претставник и во наредната полуфинална фаза, повеќе од очекувано е тоа што легендарниот стручњак посебно се задржа на тимот кој го води Симоне Инѕаги.

Капело цела сезоан не штеди комплименти за Интер и постојано го апострофира извонредениот среден бек со кој располага Инѕаги, па дури и во услови кога италијанскиот првак ќе игра со технички поткован тим како оној на Барселона, Фабио им дава блага предност на „нераѕурите“.

– Тимот на Интер кој ја освои триплетата успеа да го сопре Меси, па не гледам зошто овој тим на Интер не би го сопрел Јамал. Јасно е дека Инѕаги нема да им даде многу простор на Јамал и Рафиња. Барселона има огромен квалитет на отворен терен, а истовремено Левандовски е убиец во шеснаесетникот. Сепак, играчите на Интер се специјалисти за затворање простор и одржување на баланс на секој дел од теренот.

– Севкупно гледано, главниот предизвик ќе биде средниот ред, двомечот ќе се решава на тој дел од теренот. Класата на Педри и Де Јонг против динамиката на Барела, Чалханоглу и Мхитаријан.

– Двајцата играчи на Барселона се премногу добри во трансформирање на акциите од одбрана во напад, но ако треба да бирам, ќе ги изберам играчите за врска на Интер. Малку тимови во Европа можат да се носат со така добро организиран среден ред, – заклучува Капело.