Apple објави нова реклама на својот YouTube канал во која им кажува на корисниците дека iPhone 16 е доволно издржлив за употреба без заштитна футрола.
На видеото, семејството бара од минувач да ги фотографира, но додека му го подаваат iPhone-от, тој му се лизга од рака и паѓа на подот. Песната „I trusted you“ се слуша во позадина, а потоа детето го зема телефонот и, без ниту една гребнатинка, му го враќа на еден минувач кој успева да направи семејна фотографија.
На крајот од видеото, на екранот се појавува порака: „Опуштете се, тоа е iPhone 16“.
Со други зборови, со оваа реклама, Apple сака да каже дека не мора да се плашите од паѓања, барем не од висина од вашата рака, благодарение на стаклото Ceramic Shield што го покрива предниот дел од уредот. Ова е стаклото што Apple го разви во соработка со Corning, и кое треба да биде исклучително отпорно на удари и гребнатини.
Според GSM Arena, овој потег претставува интересен пресврт во индустријата. Покрај Apple, кинеските производители на Android телефони во последните месеци сè повеќе ја подобруваат отпорноста на своите уреди на вода, прашина и падови.