Постапките за лековите за пациентите со хемофилија се при крај и министерот за здравство вели дека нема да има прекин во терапијата, откако вчера пациентските здруженија алармираа дека последните залихи на лекови се трошат и стравуваат за терапијата која за нив е од животно значење.

Во меѓувреме Таравари тврди дека веќе се подготвени и измени во законите за да се спречат вакви административни блокади во испораката на потребните терапии за пациентите. 

„И законот е скоро подготвен којшто треба после да испрати во Парламент и да се изгласа, мене утрово ме брифираа дека се при крај, но јас се надевам дека веќе се затвора и завршува тендерот, така што нема да има прекин во терапија на пациентите со хемофилија.“ = Арбен Таравари министер за здравство.

Од пациентските здруженија на лица со хемофилија вчера аларамираа за проблемите со кои се соочуваат и побараа од здравствените власти да нема застој во примањето на терапија....

„Ние и онака немаме квалитетен живот затоа би ги замолила сите релевантни фактори во оваа држава да стават акцент на хемофиолијата, бидејќи смтам дека е многу тешко генетско заболување и овие проблеми ги носиме во текот на целиот живот. Затоа, ве молам сите релевантни фактори, во зависност дали е Министерството или Фондот и.т.н. да овозможат континуитет во набавките бидејќи ние од октомври немаме континуитет, врз нас се сее само страв, немојте не ги трошете, нарушен ни е квалитетот на живот.“ - Светлана Стевановска родител на деца со хемофилија.

Пред само неколку недели дел од онколошките пациенти останаа без терапии, заради долгите административни постапки за набавка. По речиси цел месец донцење, минатиот понеделник беа испорачани на онколошката клиника. Од пациентските здруженија бараат системско решение со кое нема да се дозволи застој во примањето терапии.