„ПИЈТЕ ВОДА И НЕ ЧЕКАЈТЕ ДА СЕ ПОЈАВИ ЖЕД“: препораки за заштита од топлотниот бран, еве што треба да правите

Добивај вести на Viber

Избегнувајте изложување на сонце во период од 11 до 17 часот, задолжително носете капа со широк обод и очила за заштита од сонце, но и комотна облека во светли бои по можност да покрива поголем дел од телото се дел од препораките на стручните служби за заштита на граѓаните во текот на овие сончеви денови кога се најавуваат температури и до 38 степени. 

Од Институто за јавно здравје со препорака да се избегнува престој на сонце од 11 до 17 часот поради најавените температури и високите индекс на УВ зраците, а покрај лесната облека за заштита се препорачува и престој во климатизирани простории кога е можно.

Препораките се однесуваат на сите граѓани, но особено за најранливите категории - постари лица над 60 години, деца, бремени жени, хронично болни, лица со прекумерна тежина, оние со ментални нарушувања и граѓани кои се подложени на специфични терапии.

ИЈЗ предупредува дека ризикот од здравствени компликации е најголем кај оние кои работат или престојуваат на отворено во текот на најжешките делови од денот.

- Ако морате да бидете надвор, одмарајте често во сенка и избегнувајте директна изложеност на сонце, пијте доволно течности – вода пред сè – и не чекајте да се појави жед, никогаш не оставајте луѓе или животни во паркирани возила, дури ни за кратко, туширајте се со млака вода или ставете ладни облоги на телото, лицата со хронични болести строго да ги следат препораките и редовно да ја земаат терапијата, по консултација со матичен лекар - препорачува Институтот.

Предупредува и дека ако некое лице покажува знаци на топлотен удар - топла и сува кожа, болки во стомакот или губење на свест, веднаш треба да се повика итна медицинска помош на броевите 194 или 112.