• Иван Димовски
Килијан Мбапе се искачи на врвот на листата на најдобри стрелци во Европа за оваа сезона, симнувајќи го Виктор Ѓокереш од првото место, но трката сè уште не е завршена. Единствениот кој може да му ги помати сметките е Мохамед Салах, кој со Ливерпул го игра последниот натпревар сезонава во понеделник против Кристал Палас. Сепак, Египќанецот ќе мора да постигне хет-трик за да го стигне Французинот и да ја подели Златната копачка.
Иако Ѓокереш беше вистинскa гол-машина во дресот на Спортинг со 39 гола, во трката за Златната копачка е надминат поради послабиот коефициент на португалската лига (1.5) во однос на најсилните европски првенства, како што се Ла Лига и Премиер лигата (кои имаат коефициент 2). Затоа Мбапе и Салах имаат мала предност и покрај помалиот број голови.
Топ 10 стрелци во Европа оваа сезона:
- Килијан Мбапе (Реал Мадрид) – 31 гол / 62 поени
- Виктор Ѓокереш (Спортинг) – 39 голови / 58.5 поени
- Мохамед Салах (Ливерпул) – 28 голови / 56 поени
- Хари Кејн (Баерн Минхен) – 25 голови / 50 поени
- Роберт Левандовски (Барселона) – 25 голови / 50 поени
- Матео Ретеги (Аталанта) – 25 голови / 50 поени
- Александер Исак (Њукасл) – 23 гола / 46 поени
- Мика Бирет (Штурм/Монако) – 22 гола / 42.5 поени
- Усман Дембеле (ПСЖ) – 21 гол / 42 поени
- Ерлинг Халанд (Манчестер Сити) – 21 гол / 42 поени
Салах веќе се закити со едно индивидуално признание оваа сезона – прогласен е за најдобар играч во Премиер лигата.
ФОТО/PHOTO: Real Madrid C.F.
