• Саше Љолес
Екипата на Слован од Љубљана за првпат во својата историја се закити со шампионската титула во Словенија, откако славеше во вториот финален натпревар против Горење со конечни 29-26.
Слован е петти клуб кој се закитил со шампионскиот трофеј од независноста на Словенија во 1992 година и испиша нова славна страница во своето постоење. Најдобар поединец кај победникот беше Леон Лјевар со седум гола, а два помалку додаде Кенан Пајт. Во таборот на Горење најмногу се истакна Урбан Пип, кој впиша девет погодоци зад своето име.
На вечната листа најдобар клуб е Целје Пивоварна со 26 титули, Горење има пет, а по еднаш трофејот го кренаа тимовите на Слован, Пруле и Копер.
Токму од екипата на Слован засилување доведе и нашиот Вардар 1961, чиј ростер следната сезона ќе биде збогатен за средниот бек, Јака Малус.
