Бугарите предводени од легендарниот Христо Стоичков беа иницијаторите за одигрување на овој ревијален натпревар, нивна беше и идејата за донација на средствата.
Мечот помина во убава, пријателска атмосфера, а Македонија победи со 3-2.
Македонија поведе со гол на Ристо Божинов, Бугарија изедначи на 1-1 преку Камбуров од пенал. Беше досудена најстрога казна и за Македонија, Пандев погоди од белата точка и го врати водството за нашите. Михтарски изедначи на 2-2, а победата за нашата репрезентација ја донесе Тасевски кој реализираше за конечни 3-2.
Но, резултатот од овој меч беше неважен, најважно беше да се оддаде почит за загинатите во Кочани и да се донира за настраданите од оваа голема несреќа.
