„Луѓе од никаде“ – случаи на појавување и исчезнување на личности што е тешко да се објаснат

Во последните седум децении, низ светот се регистрирани околу 50 случаи на појава на т.н. „луѓе од никаде“ – мистериозни личности кои се појавуваат ненадејно на јавни места, без документи, сеќавања или објаснување како стигнале таму. Најчесто тоа се случува на аеродроми, станици и во централни делови на градови, а присутните не можат да утврдат од каде се појавиле.

Иако дел од ваквите случаи се објаснуваат со губење на меморија, постојат и настани кои остануваат целосна мистерија. Во 1997 година, маж без документи и без познавање на каков било јазик се појавил на токискиот аеродром. Со него комуницирале шест месеци преку слики и гестови, сѐ додека не покажал локација во Тихиот океан – без копно. По кратко време исчезнал од прифатилиштето, без трага.

Истражувачите на необјаснети феномени сметаат дека овие луѓе можеби потекнуваат од паралелни светови – места со различна географија, јазици и историја. Други пак веруваат дека станува збор за вонземјани под човечко прикритие. Дали станува збор за психолошки феномени, заблуди или вистински паралелни реалности – прашањето останува отворено.