Мадрид, 15 јуни 2025 (МИА) - Реал Мадрид го разгледува крилниот напаѓач на Атлетик Билбао, Нико Вилијамс, како приоритетна опција ако Винисиус Жуниор го напушти клубот, за кого се заинтересирани тимови од Саудиска Арабија, објавува „Sport.es“.

Нема напредок во преговорите за продолжување на договорот на бразилскиот играч до 2030 година. Винисиус има за цел да стане најплатениот играч на Реал Мадрид, но претседателот на клубот Флорентино Перез не сака да го наруши балансот на платите.

Минатата сезона, Винисиус одигра 52 натпревари во сите натпреварувања, постигнувајќи 21 гол и 18 асистенции. Неговиот тековен договор со клубот е до летото 2027 година. 

Според Transfermarkt, пазарната вредност на играчот е 170 милиони евра. зс/

Фото: ЕПА