Фудбалерите на Премиер лигата се „на работ на нервите“, лути поради големиот број натпревари во услови на зголемување на бројот на заразени со коронавирус, објавија британските медиуми.

Премиерлигата во четвртокот попладне одржа одвоени состаноци со тренерите и играчите на клубовите, по незадоволството од набиениот распоред, особено за време на претстојните празници во Англија, каде што се зголеми бројот на заразени со сојот на коронавирус Омикрон, објави Скај.

Заразени се бројни играчи и репрезентативци, поради што 12 натпревари во Премиер лигата се одложени од 12 декември, бидејќи клубовите не можеа да го обезбедат потребниот број на играчи.

Зафатениот распоред е предизвикан од бројни други натпревари и турнири, а особено ќе биде комплициран следната година, бидејќи одржи во ноември и декември ќе се одржи и Светското првенство во Катар. Тренерот на Манчестер Сити, Пеп Гвардиола, во четвртокот изјави дека постои можност играчите да штрајкуваат, но дека мисли дека тоа нема да се случи.

„Дали играчите и тренерите треба да се држат заедно и да штрајкуваат или слично, бидејќи ова нема да се реши со зборови? Мислам дека нема да има штрајк, бидејќи сите сакаат да играат, ние сакаме луѓето да доаѓаат на стадионите 26, 27, 29, 31 декември и 1 јануари. Не велам дека има причина за штрајкот, но има се повеќе натпревари и се помалку одмор. Тоа е проблемот“, рече Гвардиола.

Тренерите побараа да се разјасни протоколот за одложување, бидејќи сакаат сите клубови да имаат исти услови. Клубовите лани во септември се договорија дека натпревар не може да се одложи доколку тимот има на располагање 14 играчи.

Исто така, дел од тренерите побараа да се врати правилото за пет измени во текот на натпреварите, како и да се укинат реваншите и двојките во куп натпреварувањата.