Венгер бара елиминација на атрактивното УЕФА правило од кое може да профитира Јунајтед

Арсен Венгер веќе неколку години работи во ФИФА како директор за равој на фудбалот, а како човек кој се залага за имплементација на што пофер и поприфатливи правила за напредок на фудбалската игра, има и една забелешка за едно правило кое посебно атрактивна ја прави Лигата на Европа.

Побендикот во второто по ранг европско натпреварување добива ексклузивен билет за следното издание во Лигата на шампиони, а бидејќи во овој момент се чини дека најблиску до такво нешто се Манчестер Јунајтед и Тотенхем, последната изјава на Венгер отвори голема дебата во Англија.

Легендарниот менаџер на Арсенал смета дека тоа правило треба да биде елиминирано, бидејќи според негово фудбалско убедување, истото не е воопшто фер.

– Правилото за директен пласман во Лигата на шампионите не е во ред и не е фер. Победникот во Лигата на Европа треба автоматски да се квалификува за Лигата на Европа, а не за Лигата на шампиони.

– Тоа посебно сега треба да биде случај кога Премиер лигата доби пет учесници преку домашното првенство. Ова е правило кое УЕФА треба да го разгледа, иако има луѓе кои сметаат дека Лигата на Европа станува поинтересна поради завршната награда наречена Лига на шампиони, – гласи изјавата на Венгер.