Европската централна банка објави дека постепено ќе ги повлекува од оптек постарите банкноти во вредност од 50 евра. Оваа одлука се однесува исклучиво на банкноти кои беа пуштени во оптек пред 2017 година.

Станува збор за мерка насочена кон зголемување на безбедноста на готовинските трансакции низ целата еврозона.

Замената ќе се спроведува постепено и без временски притисок за корисниците. Само банкнотите од новата серија позната како „Европа“ ќе останат во оптек. Оваа серија беше воведена за да се подобри заштитата од фалсификување пари. Новите банкноти содржат напредни безбедносни карактеристики што го отежнуваат нивното копирање.

Меѓу безбедносните елементи, се издвојуваат холографските дисплеи и специјалните бои што ја менуваат нијансата во зависност од аголот на гледање.

Иако постарите банкноти сè уште се законско средство за плаќање, се препорачува да се разменуваат во банки или финансиски институции. Замената ќе биде обезбедена без дополнителни трошоци за корисниците, пренесува Бизнис.ба.

фото freepic