На 16 јуни, Audi ќе го претстави новиот модел Q3, со кој планира да постави нови стандарди во премиум компактниот сегмент. Овој модел, кој веќе повеќе од десет години е дел од понудата на Audi, ќе влезе во својата трета генерација.

Извршниот директор на Audi AG, Гернот Делнер, нагласува дека Q3 е еден од најпродаваните модели на компанијата, со над два милиони продадени примероци ширум светот. Тој истакнува дека со новиот Q3 се обновува еден клучен сегмент од понудата на Audi, како дел од поширока производствена стратегија.

Новата генерација ќе се одликува со поистакнат и динамичен дизајн, преден дел со заоблена форма и широка решетка во стил на саќе. Освен освежениот изглед, автомобилот ќе биде опремен и со бројни дигитални и технолошки новитети.

Q3 ќе биде достапен со различни SUS мотори и повеќе plug-in хибридни опции. Потврдена е и враќањето на Sportback верзијата.

Audi вложува значителни средства во развојот на новата хибридна технологија, а според Делнер, и покрај транзицијата кон електрични возила, SUS моторите ќе имаат значајна улога во претстојниот период – особено како дел од хибридните решенија. Во наредните месеци, се очекува и официјално лансирање на PHEV (plug-in хибрид) варијантите од новиот Q3.

Целосните детали, слики и видеа од моделот ќе бидат достапни на 16 јуни во 21:30 часот по централноевропско време.

Извор: Audi

Главниот технолошки директор на Субару, Тецуо Фуџинуки, накратко зборуваше за новото возило, кое според тизер фотографијата најверојатно е поврзана со новата генерација на моделот WRX, не откривајќи го директно името. Тој изјави дека автомобилот ќе користи усовршен систем за погон на сите тркала, инспириран од оној што се користи во тркачката серија Супер Таикју.

Јапонското списание „Car Watch“ пренесе дека Фуџинуки го опишал автомобилот како „атрактивен“, со најава дека ќе има уште поимпресивна верзија во иднина. Повеќе детали ќе бидат објавени на самиот саем.

Според „Carscoops“, иако нема официјална потврда, сите знаци укажуваат дека ова е новата, долгоочекувана верзија на WRX, можеби дури и во STI издание.

Сликата што беше објавена не открива многу, но се гледа агресивен дизајн, со спортска аеродинамика. Предниот дел изгледа како модернизирана верзија на сегашниот WRX, со голема маска, нагласен сплитер и хауба со отвор за воздух.

Покрај новиот модел, Субару потврди и дека работи на следната генерација на својот боксер мотор. Иако сè уште нема многу технички детали, се знае дека моторот ќе биде прилагоден за користење јаглеродно неутрално гориво E20 и е можно да има хибридна поддршка. Не се знае точно колкава ќе биде работната зафатнина или колку цилиндри ќе има.

Во изјава за Best Car Web, Фуџинуки ја нагласи посветеноста на Субару кон своите клиенти. Тој изјави: „Им благодариме на сите кои го избираат Субару. Ќе продолжиме да создаваме автомобили што ќе го оправдаат нивниот избор.“

Повеќе информации се очекуваат на отворањето на Јапонскиот саем за мобилност на 30 октомври 2025 година.

Извор: Carscoops / Car Watch / Subaru

Утре (недела), 1-ви јуни со почеток од 11:00ч, град Прилеп повторно ќе биде домаќин на традиционалното државно првенство на Македонија во „Авто слалом“ со возила „Олд тајмери“ и „Јанг тајмери“ во организација на Национална Федерација за историски возила на Македонија која припаѓа во семејството на „FIVA“ – Fédération Internationale des Véhicules Anciens и „Класика Прилеп“ поддржано од Министерство за Спорт.

На наше огромно задоволство и под наше медиумско покровителство свое учество ќе земе нашиот кичевчанец, поранешен шампион и долгогодишен искусен учесник Кристијан Бојоски со својот модифициран „Опел Кадет“, кој долги години е миленик на прилепската публика, а владее голема поддршка и од нашиот град Кичево.

Инаку да потсетиме лани Кристијан Бојоски се натпреваруваше во класа 3 заедно со уште 11 учесници, рекорден број во таа категорија. Бојоски заврши на четвртата позиција со извозено време 1:40

Бидете дел и заедно да навиваме за кичевчанецот кој благодарение на пријателите и спонзорите кои здружено помагаат првично во техничката спремност, а тука не смее да се заборави поддршката на „Adler“, успешно плови по автомобилистичките води.

Имено да потсетиме, во октомври 2023, Бојоски го извози најдоброто време во класата „олд тајмери“ и се закити со пехар и медалја.

Настанот е на официјалната локација пред „Палма Шоп“ во Центарот на градот. Истиот беше закажан за 11-ти мај, но доби нов датум 1-ви јуни поради санација на делови од патеката, тогаш истакнаа од организацијата.

Со среќа на сите учесници!