Управата за јавни приходи ја објави јануарска Листа на должници за долгови доспеани до 30.09.2023 и неплатени до 31.12.2023 година по основ на ДДВ, данок на добивка, персонален данок на доход, придонеси од задолжително социјално осигурување, акцизи и царини, за кои вкупниот износ на долгот е повисок од 120.000 денари за физичките лица и самостојни вршители на дејност и повисок од 300.000 денари за правните лица.
На истата се објавени 1.857 должници – правни лица (повеќе за 25 од претходната листа) и 3.716 физички лица (повеќе за 74 од претходната листа).
Вкупно објавениот нето долг во Листата изнесува 10.108.704.233 денари, (повеќе за 1.054.342.622 денари од претходната листа).
Нето-долгот за даноци и придонеси изнесува 9.925.148.873 денари, (повеќе за 1.078.256.547 од претходната листа), додека долгот за царински давачки е 183.555.360 денари (помалку за 23.913.925 денари од претходната листа).
ПОВРЗАНИ ВЕСТИ
Кои се најголемите должници на новата Листа на УЈП, меѓу нив се уште фирма поврзана со Мијалков
