28.05.2025 12:44
Вести Свет Топ вести

Турските власти приведоа повеќе од 100 лица на Меѓународниот ден на жената

Турските власти приведоа 112 лица во Истанбул за време на демонстрациите на Меѓународниот ден на жената, ослободувајќи ги сите освен еден кој остана во притвор, соопштија денеска организаторите.

Демонстрациите за одбележување на настанот, кои се одржаа вчера, со години се забранети во Истанбул. Оправдувањето дадено оваа година беше дека тие може да го загрозат „јавниот ред и општествениот мир“, пренесе ДПА.

Стотици луѓе вчера се собраа на мирен протест во центарот на градот, пркосејќи на забраната, извикувајќи слогани како „Да живее нашата феминистичка борба“.

Според платформата „Ќе ги запреме фемицидите“, досега годинава во Турција мажи убиле 59 жени.

Покрај Истанбул, имаше демонстрации и во други турски градови против насилството насочено кон жените и врз ЛГБТКју луѓето.

Турската влада отворено се спротивставува на ставовите на ЛГБТКју и ја нарече 2025 година „Година на семејството“. Ова беше протолкувано од многумина како отворено противење на оние со начин на живот кој не е во согласност со традиционалните семејни структури.

Потпретседателот на државното тело за надзор на медиумите РТУК најави програма за „борба“ против сексуалните малцинства во медиумите. РТУК ги следи радио и телевизиските преноси, онлајн и печатените медиуми и може да наметнува казни.

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Данела Арсовска врши опсада на Чаир, се сеќаваме на 80-тите кога се рушеа куќи на Албанци на „Дижонска“ – Општината на Висар Ганиу се огласи по обвинувањата на скопската градоначалничка за дивоградби, фалсификат и закани

Дејан Дејан

Осомничен и сопственикот на објектот – се проширува истрагата за пожарот во дискотеката „Пулс“

Дејан Дејан

Се намалуваат царинските стапки за 70-тина производи – Финансии предложи, владата прифати, собранието треба да ги усвои

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе