Британскиот бенд Jamiroquai неодамна ги објави датумите на нивната европска турнеја, која треба да започне следната година. Турнејата наречена „The Heels of Steel“ предвидува 14 концерти во големите европски градови, а ќе започне на 9-ти ноември со настап во Барселона. Култниот британски Funk и Acid Jazz бенд најавува враќање на настапите во живо.
Покрај Барселона, предвидени се и настапи во Лион, Цирих, Милано, Виена, Келн, Амстердам, Париз, Брисел, Глазгов, Манчестер, Лондон и Бирмингем.
По шестгодишна пауза, Jamiroquai се враќа со својот препознатлив фанк и „вселенска“ енергија. Бендот е основан во 1992 година и важи за еден од пионерите на Acid Jazz жанрот во комбинација со Funk и Pop. Досега имаат продадено повеќе од 26 милиони албуми ширум светот, а добија и Grammy за песната „Virtual Insanity“. Најчесто ги препознаваме и по „Cosmic Girl“, „Deeper Underground“, „Little L“, „Space Cowboy“, „Canned Heat“, „You Give Me Something“, „Blown Your Mind“ и многу други.