„Ова е одлична можност младите лица до 29 години да се стекнат со практична работа и искуство со што ќе бидат поконкурентни на пазарот на труд кои подоцна ќе добијат шанса за вработување, додека пак стопанството ќе добие соодветен кадар. Воедно, Оперативниот план предвидува и младински додаток за 3.500 млади до 23 години во вредност од 3.000 денари месечно по вработено лице, кои ќе засноваат работен однос или се вработени во дејностите од областа на производството. Целта на оваа мерка е зајакнување на капацитетите на стопанството, како и поттикнување на ангажирање на младите лица до 23 години за вработување во дејностите на производството“, се вели во соопштението на Владата.
За Оперативниот план за вработување за 2025 година предвидени се 40 милиони евра и опфаќа над 16.000 граѓани, во кој се вклучени млади, невработени лица и лица од социјално ранливите категории.
„За раст, развој и економски просперитет потребни се добро креирани и платени работни места кои ќе значат подобар животен стандард за сите граѓани подеднакво. Со ова покажуваме дека Македонија може и мора да се менува на подобро“, порачуваат од Владата.
