Спартак режираше сензација и се погрижи за фијаско какво што не паметат фановите на Звезда цели 14 години

Спартак пред два дена режираше голема сензација во Белград и ја победи Црвена Звезда на нејзин терен, но денеска само ја потврди катастрофалната форма на фаворитот со нова победа во Суботица.

Триумфот од 93:77 значи дека Звезда остана без борба за трофејот и во кошаркарската Суперлига на Србија, по што слободно може да се заклучи дека игралите на Јанис Сферопулос режираа вистинско фијаско во завршните неколку недели од сезоната.

По елиминацијата од Будуќност во АБА лигата, Црвена Звезда остана на чекор од финалето и во домашното првенство, што значи дека сега на Партизан повторно му се отвора патот за нов важен трофеј.

Полуфиналната „метла“ од Суботица сигурно ќе донесе огромни промени во таборот на стандардниот кошаркарски евролигаш, а повеќе од веројатно е дека се избројани и деновите на тренерот Сферопулос.

Овој пораз значи дека Црвена Звезда за првпат од 2011-та година нема да биде дел од едно финале во Суперлигата, што само дополнително ја апострофира сензацијата која ја режираше тимот од Суботица во оваа серија.