Едно лице е тешко повредено во сообраќајна несреќа што се случила синоќа во центарот на Скопје.

Според информациите на МВР, ноќеска околу 00.25 часот во СВР Скопје е пријавено дека на крстосница од бул.„Илинден“ и ул.„Ленинова“ во Скопје се случила сообраќајна несреќа помеѓу автомобил „хјундаи“ со скопски регистарски ознаки, управувано од Д.С.(27) од Скопје и мотоцикл со скопски регистарски ознаки, управуван од Д.К.(33) од Скопје.

Во несреќата со тешки телесни повреди се здобил мотоциклистот,  констатирани во Комплексот клиники „Мајка Тереза“. Извршен е увид од увидна екипа од СВР Скопје.

Двајца малолетници се тешко повредени во сообраќајка откако со мотоцикл излетале од пат.

Според информациите на МВР, вчера во 19.58 часот во СВР Битола е пријавено дека на регионален пат во с.Будаково, општина Могила, мотоцикл „хамачи“ без регистарски ознаки, управуван од 16-годишник од с.Мусинци, општина Могила, излетал надвор од коловозот.

Во несреќата со тешки телесни повреди се здобиле малолетникот кој го управувал мотоциклот и неговиот 14-годишен сопатник од с.Будаково, констатирани во Клиничката болница Битола.

Извршен бил увид од увидна екипа од СВР Битола.

Разбојник со нож вчера ограбил продавница во Визбегово, скопско.

Според информациите на МВР, СВР Скопје поднесе кривична пријава против М.A.(20) поради постоење основи на сомнение за сторено кривично дело „разбојништво“.

На 21 мај во продажно место во с.Визбегово, скопско, пријавениот со закана со нож кон вработената одзел пари од дневниот промет.