Министерката Димитриеска Кочоска ги навреди сите жени и треба да биде разрешена, порачаа од Струмица социјалдемократите на денешниот осмомартовски марш.
Потпретседателката на СДСМ, Фани Каранфилова Пановска рече дека е релана заканата од десничарските политики. Според неа, тие сакаат да ги вратат жените назад и им ги негираат правата за кои се избориле. Но, и да ги сведат на улоги што не ги избрале.
Иницидентот од македонското собрание беше во фокусо и во обраќањето на лидерот на СДСМ, Венко Филипче. Тој порача дека е незамисливо вакви навреди да излезат од законодавниот дом, особено од жена кон друга жена.
Ова е десетти марш во организација на Форумот на жени на СДСМ кој годинава се одржа под мотото „Исправени заедно за еднаквост, правда и мир“.
Сузана Мицева