Украинскиот претседател Володимир Зеленски и британскиот премиер Кир Стармер денес, за време на кратката посета на украинскиот претседател на Лондон, разговараа за одбраната на Украина од Русија и најавија нова иницијатива за соработка во одбранбената индустрија.
Двајцата лидери го објавија договорот во градината на резиденцијата на Стармер на Даунинг стрит, каде што се сретнаа и со украински војници кои се обучуваат во Велика Британија.
„Многу сум горд што денес попладне можеме да објавиме договор за заедничко индустриско воено производство, прв од ваков вид што се однесува до Украина и Велика Британија, што сега ќе биде огромен чекор напред во придонесот што можеме да продолжиме да го даваме“, рече Стармер.
Стармер не даде детали за договорот, а Зеленски рече дека тој ќе помогне во зајакнувањето на двете нации.
Коалиција на убијци
Украинскиот претседател ги опиша Русија, Иран и Северна Кореја како „коалиција на убијци“ за време на посетата на Лондон, каде што разговараше со Стармер и за одбранбената соработка и начините за вршење дополнителен притисок врз Москва, според „Гардијан“.
Украинскиот претседател пристигна во Обединетото Кралство денес, само неколку часа откако Кремљ започна уште еден голем воздушен напад врз Киев. Во нападот учествуваа 352 дронови, половина од нив беа ирански дронови „Шахед“ и севернокорејски балистички ракети, што Зеленски го нарече „целосно циничен напад“.
Најмалку 10 лица беа убиени, а пет станбени згради на цивили беа сериозно оштетени.
„Голем број дронови и ракети беа соборени од нашите противвоздушни бранители, но не сите“, објави Зеленски на социјалните мрежи.
„Секој во земјите што граничат со Русија, Иран и Северна Кореја треба сериозно да размисли дали може да заштити животи ако оваа коалиција на убијци продолжи да постои и продолжи да го шири својот терор“.